Skip to content

Skip to secondary menu

Molimau a Ieova

Faa-Samoa

Pe e Mafai Ona Fesoasoani Mai le Tusi Paia Ina ia Ou Maua se Aiga Fiafia?

Pe e Mafai Ona Fesoasoani Mai le Tusi Paia Ina ia Ou Maua se Aiga Fiafia?

Tali a le Tusi Paia

Ioe. O nisi nei o faataʻitaʻiga o fautuaga atamai e faavae mai i le Tusi Paia, ua fesoasoani i le faitau miliona o tane ma fafine ina ia maua ni aiga fiafia:

  1. Ia lesitala faaletulafono lau faaipoipoga. O lenei tuufaatasiga tumau o le faavae lea mo le mauaina o se aiga fiafia.​—Mataio 19:4-6.

  2. Ia faaalia le alofa ma le faaaloalo. E aofia ai le feutagaʻi ma lau paaga i le auala e te manaʻo e feutagaʻi ai ma oe.​—Mataio 7:12; Efeso 5:25, 33.

  3. Ia ʻalofia le fai atu o upu faatigā. Ia talanoa atu i se auala alofa, e tusa pe fai e lau paaga ni faamatalaga po o ni gaoioiga e faatigā ai iā te oe. (Efeso 4:31, 32) E pei ona taʻua i le Tusi Paia i le Faataoto 15:1: “O le tali filemu e liliueseina ai le ita, a o le upu faatigā e tupu ai le ita.”

  4. Ia faamaoni le tasi i le isi. Ia tau lava o lau paaga faaipoipo e faailoa atu i ai ou faalogona alofa. (Mataio 5:28) Ua faapea mai le Tusi Paia: “Ia faamamaluina e tagata uma le faaipoipoga, ma ia aua neʻi faaleagaina le moega o le faaipoipoga.”​—Eperu 13:4.

  5. Ia toleni lau fanau i le alofa. ʻAlofia le aʻoaʻi o le tamaitiiti ona o le ita, ae i le taimi e tasi aua neʻi puipuia o ia mai i āuga o ana mea sesē.​—Faataoto 29:15; Kolose 3:21.