Skip to content

Skip to secondary menu

Molimau a Ieova

Faa-Samoa

E Faapefea Ona Lelei lo Ma Va ma Loʻu Faiaʻoga?

E Faapefea Ona Lelei lo Ma Va ma Loʻu Faiaʻoga?

Ia mafaufau lelei!

Seʻi manatu i le mea na tupu iā Rachel. Sa masani ona maua e Rachel ia togi A ma B i lana lipoti mai i le aʻoga. Ae ina ua oo i le vasega 7, na suia le tulaga o mea. Ua faapea mai Rachel, “Sa taumafai loʻu faiaʻoga ina ia aua neʻi pasi ni aʻu mataupu i lana vasega.” O le ā le māfuaaga? Na taʻu saʻo e le faiaʻoga iā Rachel ma lona tinā, lona lē fiafia i le la tapuaʻiga.

E pei faiaʻoga o ni maa e savavali ai i totonu o se vai, lea e mafai ona fesoasoani iā te oe ina ia maua le malamalama, peitaʻi o oe e tatau ona gaoioi

O le ā le isi mea na sosoo ai? Ua faapea mai Rachel: “O taimi uma lava e iloagofie ai uiga faailogatagata o le faiaʻoga ona o le auala e na te togiina ai aʻu meaaʻoga, e ma te ō faatasi ai ma loʻu tinā e talanoa iā te ia e faatatau i lea mataupu. E leʻi umi ae ia lē toe faia loa lenā mea.

Pe afai e tupu iā te oe se tulaga faapena, ia e lototele e talanoa atu i ou mātua. E mautinoa e la te fiafia e talanoa i le faiaʻoga ma atonu i le pulega a le aʻoga, ina ia maua ai se vaifofō mo lea faafitauli.

O le mea moni, e tusa lava pe foʻia faafitauli ae e iai lava ona āuga. I nisi taimi, e tatau ona e onosaʻi. (Roma 12:17, 18) Ua faapea mai Tanya, “E iai se tasi o aʻu faiaʻoga o le leaga ia o ona uiga e faaalia i ana tamaiti aʻoga”. “E masani ona ia lafo mai faaupuga lē faaaloalo ma fai mai e matou te vālea. O le taimi muamua na ou tagi ai, ae na ou iloaina e aua le ano fua i ana faamatalaga taufaifai. Na ou uaʻi i aʻu meaaʻoga ma faatele aʻu mea e fai i totonu o le vasega. O le iʻuga, e na te leʻi toe taufaifai iā te aʻu i le tele o taimi, ma o aʻu se tasi o tamaitiiti aʻoga na maua ni togi lelei. Ina ua mavae tausaga e lua, na tuliese ai o ia mai i le aʻoga.

Manatu autū: Ia iloa le auala e feagai ai ma se faiaʻoga e lē lelei ni ona uiga, ma o le a e maua ai se tomai e aogā i lou olaga atoa, o se tomai e mafai ona e feagai ai ma se pule o le galuega e lē lelei ni ona uiga. (1 Peteru 2:18) O le a e iloa ai foʻi faaaloalo i faiaʻoga e lelei uiga faaalia.