Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

E Faapefea Ona Ou Teena Faaosoosoga?

E Faapefea Ona Ou Teena Faaosoosoga?

Mea e mafai ona e faia

Muamua, e paʻū lava iā te oe iʻuga o au gaoioiga, e tusa po o ā mea e faia e au uō.

Lua, ia iloa po o le ā le luʻi e tele ina faaosoosoina ai oe.

Pe a uma, ia fesili ifo iā te oe, ‘O fea e tele ina tulaʻi mai ai lenei luʻi?’ (I le aʻoga, galuega, po o isi nofoaga?) O le iloa o le nofoaga e tele ina tulaʻi mai ai le luʻi, e ono fesoasoani iā te oe e ʻalofia ai lenā luʻi.

O lea la ua e sauni e gaoioi. O le mea muamua e te faia, o le iloilo lea pe faapefea ona faaitiitia pe taofia le luʻi. (O se faataʻitaʻiga: Pe afai o le tuua o le aʻoga e tele ina faaosoosoina ai oe e tamaiti o le vasega ia ulaula, atonu la e mafai ona sui le auala e te ui ai ina ia ʻalofia ai le ui i le auala o loo iai na tamaiti.) Iloilo totoʻa le mea moni: O uō e uunaʻia oe e fai mea leaga, e lē o i latou o ni au uō moni.

Pe a e lolo atu i faaosoosoga, ua avea oe ma pologa i ou tuʻinanauga

E moni e lē mafai ona e ʻalofia uma luʻi. Ae atonu e iai lava le taimi e te feagai ai ma se luʻi e matuā faigatā, ma atonu i se taimi e te leʻi faatalitalia. O le ā e te faia pe a tulaʻi mai lenā luʻi?

O le auala sili lava, o le nofosauni.

Ia iloilo: Sa iloa e Iesu le itu e tatau ona ia lagolagoina e tusa ai ma mataupu i le tulaga tau amio. Sa maumauaʻi o ia e usitaʻi i lona Tamā i taimi uma. (Ioane 8:28, 29) O le auala sili la, o le muaʻi iloa lea o le itu e te lagolagoina.

Mea e fai. Mafaufau i ni māfuaaga se lua e tatau ai ona e teena le luʻi e tele ina e fesagaʻia, ona mafaufau lea i ni gaoioiga se lua e te faia ina ia teena ai lenā luʻi.

Aiseā e te faataga ai isi e latou te pulea oe? Ia iā te oe le taʻumatuaina e fai ai le mea e te iloa e saʻo. (Kolose 3:5) Ia tatalo i le Atua ina ia faaauau ona e faia faapea.—Mataio 6:13.

 

Faitau Atili

Ae Faapefea pe a Faaosoosoina Aʻu e Fai ni Feusuaʻiga?

Pe e iai se afāina o le lolo atu i ai? Po o le a e toe salamō mulimuli ane ai?