Accessibility setting

Filifili le gagana

Skip to secondary menu

Skip to content

Molimau a Ieova

Faa-Samoa

Ae Faapefea pe a Faaosoosoina Aʻu e Fai ni Feusuaʻiga?

Ae Faapefea pe a Faaosoosoina Aʻu e Fai ni Feusuaʻiga?

Atonu e te fesili e faapea: “Pe e lē sili atu ona ou ioe i ai, auā pe e lē o tagata uma o loo faia feusuaʻiga?”

Mafaufau muamua!

Mea moni: E lē o tagata uma o loo faia feusuaʻiga.

E moni atonu ua e faitau i ni faamaumauga i le toʻatele o ē o loo faia feusuaʻiga. O se faataʻitaʻiga, ua faaalia mai i se suʻesuʻega i Amerika, e oo ane i le taimi e māeʻa ai aʻoga maualuluga a talavou, o le toʻalua mai i le toʻatolu o talavou i lenā atunuu ua faia feusuaʻiga. Peitaʻi, e toʻatasi mai i le toʻatolu o i latou na, e lē o faia feusuaʻiga. O lona uiga la e toʻatele lava i latou e lē o faia ni feusuaʻiga.

Ae faapefea i latou o loo faia feusuaʻiga? Ua iloa mai i suʻesuʻega a tagata suʻesuʻe, o le toʻatele o talavou ua faia feusuaʻiga, ua tofo i nisi o āuga faanoanoa nei.

Mafatia. O le toʻatele o talavou ua faia feusuaʻiga a o leʻi faaipoipo, ua faapea mai ua toe salamō.

O le faia o feusuaʻiga a o leʻi faaipoipo, ua pei lenā o le avane o se ata tusi ua manaia lona valiina ma faaaogā e fai ma solo vae

Lē maufaatuatuaina. Ina ua uma ona faia feusuaʻiga, e tuufesili i laʻua uma e faatatau i le isi, ‘O ai la se isi na la feusuaʻi foʻi?’

Lē fiafia. O le tulaga moni lava, o le toʻatele o teine e mananaʻo i se tama e puipuia i latou nai lo o le faaaogā o i latou. Ae o le toʻatele o tama e lē fiafia i ni teine e tosina gofie mai.

Manatu autū: O lou tino o se mea e tāua tele e ao ona puipuia pe faapelepele i ai. Ia faaalia atu o loo iā te oe le malosi e teena ai luʻi, e ala i le usitaʻia o tulafono a le Atua e faatatau i feusuaʻiga a o leʻi faaipoipo. O lea, pe a e faaipoipo, e mafai ona e faia feusuaʻiga. O le a e maua ai le olioli e aunoa ma le popole, salamō, ma le lē mautonu, lea e masani ona lagona pe a uma ona faia feusuaʻiga a o leʻi faaipoipo.—Faataoto 7:22, 23; 1 Korinito 7:3.