Alu i mataupu o loo iai

UA FESILI MAI TALAVOU

Po ua Ou Nofosauni e Faaipoipo?

Po ua Ou Nofosauni e Faaipoipo?

A o e leʻi taliina lenā fesili, e tatau ona e malamalama lelei iā te oe lava. O se faataʻitaʻiga, ia iloilo vala nei:

Faiā ma Isi

O le ā le auala e te feutagaʻi ai ma ou mātua ma nai ou tei? Pe e masani ona e maitaita, atonu e ala i le faaaogā o upu faatigā ma upu faalumaluma? Faamata o le ā sa latou tala e faatatau iā te oe pe a fesiligia i lea tulaga? O le auala e te feutagaʻi ai ma lou aiga, o le auala foʻi lenā o le a e feutagaʻi ai ma lou toʻalua.​—Efeso 4:31.

Uiga Faaalia

Pe e saʻo pe e sesē lau vaai i le tele o taimi? Pe e te fetuutuunaʻi pe e te maumauaʻi lava ina ia faia mea i lau auala? Pe e te toʻafilemu pea i taimi o faafitauli? Pe e te onosaʻi? O le atiaʻe o uiga o loo taʻua i le Kalatia 5:22, 23 i le taimi lenei, o le a sauniunia ai oe i le avea ai ma tane po o se avā mulimuli ane.

Tulaga Tau Tupe

Pe e lelei lou faasoasoaina o tupe? Pe e masani ona fai ni au aitalafu? O mafai ona e tumau i se galuega se tasi? Afai e leai, aiseā? Pe e māfua ona e iai se faalētonu i le galuega, po o le pule, po o oe? Afai e lē mafai ona faasoasoa lelei au tupe, o le a faapefea la pe a fai sou aiga?​—1 Timoteo 5:8.

Tulaga Faaleagaga

Pe afai o oe o se Molimau a Ieova, e faapeʻī lou itu faaleagaga? Pe e te fiafia e faitau le Afioga a le Atua, auai i talaʻiga, ma faia se sao i sauniga faa-Kerisiano? O se faamanuiaga mo se tagata o le a faaipoipo le maua o se paaga e malosi faaleagaga.​—Failauga 4:9, 10.

O le tele e te malamalama ai iā te oe lava, o le atili foʻi lenā ona faigofie ona e iloa po o ai e fetaui lelei iā te oe.