Tali a le Tusi Paia

Ua faailoa manino mai i le Tusi Paia “e faamasino e le Atua o ē e faitaaga.” (Eperu 13:4) O le upu Eleni mo le “faitaaga,” por·neiʹa, e aofia ai le faia o feusuaʻiga a o leʻi faaipoipo. O lea, i le silafaga a le Atua e lē talafeagai mo se alii ma se tamaʻitaʻi e leʻi faaipoipo ona nonofo faatasi, e tusa lava pe o fuafua e faaipoipo i se taimi mulimuli ane.

Ae ā pe afai ua matuā alofa le tasi i le isi? E finagalo lava le Atua ina ia la faaipoipo muamua a o leʻi faia feusuaʻiga. Na foafoaina i tatou e le Atua ma le faanaunauga ina ia faaalia le alofa. O le uiga autū o le Atua o le alofa. (1 Ioane 4:8) O lea, e iai māfuaaga tatau e maumauaʻi ai le Atua, o feusuaʻiga e mo na o ulugalii faaipoipo.