Hanenty ty anatiny ao

Vavolombelo Jehovah

Hifily safà Vezo

Philippines: Sary Najarỳ 1 (Fevriè 2014 Zisiky Mey 2015)

Philippines: Sary Najarỳ 1 (Fevriè 2014 Zisiky Mey 2015)

Mamboatsy trano vaovao noho manavao ty fitaova ampiasàn-drozy ty Vavolombeloni-Jehovah amy sampana a Quezon City a Philippines any. Satria fa atao pirinty a Japon any henanizao ty boky noho gazety ho ani-Philippines, le namboary trano fanaova pirinty taloha iny mba hisy ty sampan-draharahani-ordinatera, fanorena (LDC), fikojakojà, fandefasa enta, noho ty mpandika teny. Hita amy sary najarỳ toy atoa ty asa sisany natao tamy trano fanaova pirinty taloha iny tany, noho ty asa hafa nanomboky tamy Fevriè 2014 zisiky Mey 2015. Tokony ho vita amy Oktobra 2016 asa toy.

Hanahatahaky ani-zao sampani-Philippines io lafa vita.Retoa iaby ty trano namboary na nihavaozy:

  • Trano 4 (Trano ipetraha)

  • Trano 5 (Stidiô, Sampan-draharahani-Fanompoa)

  • Trano 6 (Zariday, Garazy, Fanaova Sodira)

  • Trano 7 (Sampan’asani-ordinatera, LDC, Fikojakojà, Fandefasa Enta, Fandikan-teny)

28 Fevriè 2014: Trano 7

Fonosa fibre de verre, fiarova amy hafanà noho nintsy vaovao reo soa tsy ho simba. Manao akanjo fiarova mpiasa an-tsitrapo reo mba tsy ho voan’aretin-koditsy.

2 Avrily 2014: Trano 7

Mametaky tafoni-stidiô ho ani-Safà Atao amy Tana Philippines. Nasian-drozy loaky karèkare amy tafo iny soa handay tsioky soasoa mana amy stidiô ao ty climatiseur.

21 Oktobra 2014: Quezon City

Mihaly lavaky hasia fitaova vaovao raiky. Hiasa amy trano iaby amy sampana io ao fitaova io, satria hanome rano manintsinintsy an-drozy.

19 Desambra 2014: Lala mampifandramby ty etazy amy Trano 1, 5 noho 7

Mampifandramby ani-trano reo iaby lala io, anatini-zay ty Trano 1, azy misy fihinana io. Tena manampy raha io, sirtò ho an’olo 300 miasa amy Trano 7 any rey.

15 Zanviè 2015: Trano 5

Grue 50 tôny manonjo fitaova fanamboara tafo. Sankarazany ty grue nampiasà.

15 Zanviè 2015: Trano 5A

Etazy raiky 125m2 raha io. Misy kabone roe ty ao sady misy eskaliè noho ascenseur raiky. Natao amy pilasy io ao ty kabone noho eskaliè, ka manjary malalaky ty amy Trano 5 marìny azy eo. Tsy natao amy Trano 5 ao ty ascenseur, amy zay tsy manelingely ty fangalà feo amy stidiô ao.

15 Zanviè 2015: Trano 5A

Mametaky fer rond an’aloky eo ty mpiasa, satria mafana ty andro. Tafakatsy zisiky 29°C any ho any ty hafanà amy atoandro lafa Zanviè, le 34°C amy Avrily.

5 Marsa 2015: Trano 5

Asia hazo tafo iny mba hatanjaky. Hazo 800 eo ho eo ty nampiasà tamy Trano 5 io.

17 Marsa 2015: Trano 5

Mamono beton. Fa mandilatsy ty 100 amy mpiasa an-tsitrapo reo ro baka an’Aostralia, Kanada, Fransy, Japon, Nouvelle-Zélande, Korea Antimo, Espaina, Etazonia, noho tany hafa.

25 Marsa 2015: Trano 5

Fametaha tafo kaky amy Trano 5, azy nisy Sampan-draharahani-Fandikan-teny iny. Nihavaozy trano io fa hatao Stidiô noho Sampan-draharahani-Fanompoa.

13 Mey 2015: Trano 5

Mampiasa lasỳ fanapaha vy mba hanapaha vy hapetaky amy rindrini-birò rey.