Hanenty ty anatiny ao

Vavolombelo Jehovah

Hifily safà Vezo

Manino ty Vavolombelo Jehovah ro Tsy Mankalaza Paka?

Manino ty Vavolombelo Jehovah ro Tsy Mankalaza Paka?

Hevitsy diso eritseretinolo

Diso: Tsy mankalaza Paka ty Vavolombelo Jehovah satria tsy Kristiana.

Marina: Mino zahay fa Jesosy ro Mpanavotsy anay, sady manao ze farany vitanay zahay mba ‘hanoriha soa ty liany.’—1 Petera 2:21; Lioka 2:11.

Diso: Tsy mino nareo hoe nivelomy tamy maty Jesosy.

Marina: Mino ty fameloma Jesosy tamy maty zahay, maneky hoe io ro fototsy ty finoa kristiana sady manambara raha zay amy fitoria ataonay.—1 Korintianina 15:3, 4, 12-15.

Diso: Tsy ahoanareo ino ndre matiantoky ty ananareo satria tsy mifalifaly amy ty fety Paka.

Marina: Teanay ty ananay, ka le ataonay ze azonay atao mba hampiofàna noho hanampea an-drozy mba ho falifaly.—Titosy 2:4.

Manino ty Vavolombelo Jehovah ro tsy mankalaza Paka?

  • Tsy mifototsy amy Baiboly ty fankalazà Paka.

  • Ty nahafatesany, fa tsy ty nivelomany tamy maty, ro nandidia Jesosy hotiarovy. Mankalaza Fahatiarova io zahay santao, lafa mimpoly ty daty nahafatesa Jesosy amy kalandrie manaraky ty fihodina ty vola.—Lioka 22:19, 20.

  • Mino zahay fa tsy ekè Ndranahary ty Paka satria baka amy fombafomba taloha mifandramby amy fahavokara ty fombafomba atao amy fety io. ‘Mitaky ty hanompoa azy raiky avao’ Ndranahary, ka halany laha mifangaro amy fombafomba tsy ekeny ty fanompoa azy.—Eksodosy 20:5; 1 Mpanjaka 18:21.

Mino zahay fa mifototsy amy Baiboly ty fanapahan-kevitsinay tsy hankalaza Paka. Mampirisiky ty hampiasà “fahendrea noho fahaizà mandiniky” ty Baiboly, fa tsy hanaraky fomban-drazanolo avao. (Ohabolana 3:21; Matio 15:3) Manambara ty raha inoanay zahay lafa anontanea. Fe manaja ty zo ty olo kiraidraiky hanapa-kevitsy amy ty raha hataony koa zahay.—1 Peter 3:15.