Hanenty ty anatiny ao

Vavolombelo Jehovah

Hifily safà Vezo

Manampy Tra-boina va ty Vavolombelo Jehovah?

Manampy Tra-boina va ty Vavolombelo Jehovah?

Eka, matetiky ty Vavolombelo Jehovah ro manampy lafa misy loza miseho. Manome fanampea ara-potoa ho ahy ty Vavolombelo Jehovah noho ty tsy Vavolombelo Jehovah zahay, araky ty toromariky amy Galatiana 6:10 hoe: “Manaova raha soa amy ty olo iaby, sandraky moa amy ty olo finoa raiky amintsika.” Miezaky mampahery ty olo koa zahay sady manome fanampea ara-panahy. Ilà vatany raha reo amy fotoa manahaky reny.—2 Korintianina 1:3, 4.

Ty Fandamina Atao

Avy le miezaky hifandramby amy ty olo miaraky fiangona aminy mbamy faritsy voakasiky fahavoaza reny ty anti-panahy, lafa baka nandalo loza iny. Bakeo atao anti-panahy reo tatitsy manamy birò ty sampana ahy ty Vavolombelo Jehovah amy tany misy azy eo ty vokatsy ty fanadihadia noho ty ezaky nataon-drozy hisarombaha olo.

Laha tsy ampy ty fanampea natao ty fiangona amy faritsy voakasiky iny eo, le hanao fandahara hanovona ze fanampea ilà vatany ty Filan-kevi-pitantana ty Vavolombelo Jehovah. Mitovy amy zay koa ty natao Kristiana voalohany rey lafa nifanampy tamy fotoa nandalova ty kere. (1 Korintianina 16:1-4) Misy Komity Mpanarombaky amy Loza, nitinginy sampana handamy noho hitariky ty asa. Mahafoy ty fotoany noho ty hananany an-tsitrapo koa ty Vavolombelo Jehovah maro baka amy pilasy samby hafa mba hanampea ty hafa.—Ohabolana 17:17.

Drala

Raiky amy fomba maro ampiasà ty drala fanomeza ze foim-po alefa amy sampana ahy ty Vavolombelo Jehovah any reny ty fanampea tra-boina. (Asan’ny Apostoly 11:27-30; 2 Korintianina 8:13-15) Ka satria mpiasa an-tsitrapo iaby ro manao asa reo fa tsy karamà, le ty olo azo fahavoaza iny vatany ro amantana ty drala, fa tsy fikambana na mpikarakara fandania. Mitao soa zahay lafa mampiasa fanomeza ze foim-po reo.—2 Korintianina 8:20.