Hanenty ty anatiny ao

Vavolombelo Jehovah

Hifily safà Vezo

Ino ro atao hoe fianara Baiboly?

Ino ro atao hoe fianara Baiboly?

Mitao olo hianatsy Baiboly ty Vavolombelo Jehovah, ka misy fanontanea maro ho voavaly lafa manao raha zay rozy, ohatsy hoe:

  • Ia Ndranahary zao?

  • Mba midary ahy va Ndranahary?

  • Manao akory ro hanasoavako ty fifandrambesanay morovaly?

  • Manao akory ro hahasambatsy ahy?

Ho hitanao ambany eo ty valy fanontanea fapetrakin’olo mikasiky ty fampianara Baiboly.

Manao akory ty fandeha fianara io? Mifily foto-kevitsy raiky zahay, ohatsy hoe “Ndranahary” na “fanambalia”, bakeo dinihy ze andinin-teny amy Baiboly ao mifandramby amy raha zay. Lafa ampitovizy andinin-teny reny, le hay ty raha tea ty Baiboly ho volany mikasiky foto-kevitsy io, ka ty Baiboly avao ro manazava raha zay.

Ty boky hoe Inona Marina no Ampianarin’ny Baiboly? ro ampiasanay mba hianara Baiboly. Hita soa amy boky io ao, ty raha volany ty Baiboly mikasiky Ndranahary, Jesosy, ty hoavintsika, noho ty raha hafa.

Andoava drala va fianara Baiboly io? Tsy misy drala aloa fianara io, sady tsy vilý ty fitaova fianara.

Firy lera ro hanaova fianara io? Maro ty manoka lera raiky eo ho eo san-kerinandro, mba hianara Baiboly aminay. Fe azo ovaovà raha zay, arakaraky ty fandaharam-potoan’olo iny.

Ino ro miseho lafa mangataky hianatsy Baiboly aho? Lafa mangataky hianatsy Baiboly iha, le hisy Vavolombelo Jehovah ho avy aminao any amy fotoa noho pilasy mety aminao. Hatorony anao tselatsela ty fomba fianara Baiboly, ka laha ohatsy teanao, le azo tohiza raha zay.

Voatery hanjary Vavolombelo Jehovah va aho laha maneky hianatsy Baiboly? Tsy voatery. Tea ty Vavolombelo Jehovah ty mampianatsy Baiboly, fe tsy manao forosè olo hanaraky ty fivavahany rozy. Maneky zahay fa manan-jo hifily ze raha teany hinoa ty olo, ka zay mahavy anay manambara amim-panajà ty raha volany amy Baiboly ao.—1 Peter 3:15.