Eka, maneky fitsaboa noho mandramby ty fanafody amea azy ty Vavolombelo Jehovah. Ndre miezaky hikarakara ty vatanay noho manao ze hahasalama anay zahay, le mbo “mila dokotera” avao kindraiky. (Lioka 5:31) Dokotera mihintsy aza ty Vavolombelo Jehovah sisany, manahaky Lioka, Kristiana tamy taonjato voalohany.—Kolosianina 4:14.

Fe, mifanohitsy amy ty torolala ty Baiboly ty fitsaboa sisany, ka tsy ekenay. Tsy maneky hampilira lio, ohatsy, zahay; satria rarà ty Baiboly ty fampilira lio mba hitanjaha ay. (Asan’ny Apostoly 15:20) Rarà ty Baiboly koa ty fitsaboa misy ifandrambesany amy fanahy raty.—Galatianina 5:19-21.

Ndre eo zay, le tsy mifanohitsy amy ty torolala ty Baiboly ty ankamaroa ty fitsaboa. Ka, ty kiraidraiky ro mifily ty fitsaboa teany, amy zay. Mety haneky fitsaboa raiky ty Vavolombelo Jehovah raiky, fa tsy haneky fitsaboa io ty raiky hafa.—Galatianina 6:5.