Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Anovo Tena Mahasoa Anao ty Fianara Am-batanao

Anovo Tena Mahasoa Anao ty Fianara Am-batanao

MANINO RO TENA ILÀ? Laha manao fianara am-bata tsika, le “hahay soa ty sakany noho ty halavany noho ty haabony voho ty halalikini”-fahamarina. (Ef 3:18) Manampy antsika hitanjaky “marè ty safàni-fiaina” koa ty fianara am-bata, ka tsy hanan-tsiny noho tsy hisy tsininy mihintsy tsika ndre miay amy tontolo raty toy eto. (Fi 2:15, 16) Tsika avao koa ro mifily ze foto-kevitsy tena ilàntsika lafa ianarantsika am-batantsika ty Safà-Ndranahary. Ino ty azontsika atao mba tena hahasoa antsika ty famakia noho ty fianara Baiboly?

AKORY TY HANAOVA AZY?

  • Asio mariky andinin-teny rey, le asio soratsy mihintsy lafa manao fianara am-bata iha, ndre amy taratasy zay ndre amy fitaova elektroniky

  • Eritsereto fanontanea retoa saky mamaky Safà-Ndranahary iha: ‘Ia? Ino? Nombia na Ombia? Taia na Aia? Manino na Nanino? Akory?’

  • Anovo hay ty raha niseho. Ilao amy ze fitaova fikaroha anananao foto-kevitsy na andinin-teny iny

  • Vetsevetseo raha vakinao iny soa ho hitanao hoe akory ty hampiharanao azy

  • Ampiharo amy fiainanao ty raha nianaranao.—Lk 6:47, 48

HENTEO TY VIDEO HOE “MITANJAHA MARÈ” KA MAHAIZA MANAO FIANARA AM-BATA, BAKEO VALEO FANONTANEA RETOA:

  • Ino hoy ty olo sisany mikasiky ty fianara am-bata?

  • Manino tsika ro tokony hivavaky avao saky hanao fianara am-bata?

  • Ino ty hanampy antsika hahay soa ty raha teani-andinin-teny rey hovolany?

  • Karaza mariky manao akory ro tokony hataontsika amy Baiboly fianarantsika iny?

  • Manino tsika ro tsy maintsy mametsivetsy saky mianatsy ty Safà-Ndranahary?

  • Tokony hataontsika akory raha nianarantsika iny?

“Tena teako ty lalànanao, ka vetsevetseko avao sanandro!”—Sl 119:97