Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Nareo Baba Noho Reny, Ampeo ty Anakinareo mba Handroso Ara-panahy

Nareo Baba Noho Reny, Ampeo ty Anakinareo mba Handroso Ara-panahy

Ty baba noho reny tea a Ndranahary le maniry hoe hanjary mpanomponi- Jehovah tsy mivaliky ty anakin-drozy. Afaky manampy ty anakin-drozy hanao ani-zay rozy laha mandentiky ty fahamarina baka amy Baiboly ao am-poni-ajà rey ao, tany mbo kelikely rozy. (De 6:7; Oh 22:6) Mitaky fahafoizam-bata va raha zay? Mazava ho azy! Fe tsy ho matiantoky ty ezaky ataon-drozy.—3Jn 4.

Maro ty raha azoni-baba noho reny ianara baka amy Josefa noho Maria. ‘Mpandeha a Jerosalema any rozy santao, tamy fetini-Paska’, ndre nitaky ezaky bevata aza raha zay sady nandany drala. (Lk 2:41) Hita baka amy zay fa ty raha ara-panahy ilàni-fianakavian-drozy ro nataon-drozy voaloha lista. Manahaky an-drozy ty baba noho reny laha mitariky ty anakiny ho amy lala mahity, ka manao ze azo atao mba hampianara an-drozy amy alalani-safà noho modely.—Sl 127:3-5.

HENTEO TY VIDEO HOE NANAO ZE AZON-DROZY NATAO ROZY, BAKEO VALEO FANONTANEA RETOA:

  • Ino ty nataoni-Jon noho Sharon Schiller lafa niteza ty anakin-drozy mba ho voaloha lista avao ty fanompoa ani-Jehovah?

  • Manino ro tokony hifanaraky amy ty ajà kiraidraiky ty fampianara noho fananara ataoni-baba noho reny?

  • Akory ty fomba hanampeani-baba noho reny ty anakin-drozy mba ho parè hiatriky fitsapàm-pinoa?

  • Ino ty fitaova baka amy fandaminani-Jehovah nampiasanao mba hanampeanao ty anakinao handroso ara-panahy?

Anovo voaloha lista amy fianakavianao ty fanompoa ani-Jehovah