9:62

Laha ta hanao soritsy mahity ty olo raiky manao sarỳ, le tsy tokony ho tandrena amy ze raha afara any. Mitovy amy zay koa fa tsy tokony ho tandrena amy ze raha nengany amy tontolo toy any ty Kristiana.—Fi 3:13.

Lafa sahira tsika, le mora mieritseritsy hoe ‘hafa avao ty taloha’, ohatsy hoe ty fotoa mbo tsy nahitantsika fahamarina. Lafa manao ani-zay tsika, le matetiky manasoasoa ty hafalea tsapantsika taloha, fa manamoramora ty raha sarotsy nandalovantsika tamy zay. Nanao ho zay Israelita reo lafa niala ani-Ejipta. (No 11:5, 6) Laha tsy miala an-tsaintsika ao eritseritsy zay, le mety haniry himpoly amy fiainantsika taloha tsika. Tsy aleo mandiniky ty fitahia maro azontsika henanizao, sady mifantoky amy ty hafalea ho tsapantsika lafa manday Fanjakà iny!—2Ko 4:16-18.