Nisy fandanian-drala noho asa mafy tamy fanamboara ty tempolin’Israely. Fe, nazoto nanoha asa zay ty Israelita. (1Ta 29:2-9; 2Ta 6:7, 8) Mbo nila nikojakoja koa rozy lafa nivita tempoly iny. Nisy vokany soa tamy fifandrambesan-drozy tamy Ndranahary raha zay. (2Mp 22:3-6; 2Ta 28:24; 29:3) Manao ezaky bevata ty Kristiana henanizao, sady mandany fotoa amy fanorena, fanadiova, noho fikojakojà Efitrano Fanjakà noho Efitrano Fivoriambe. Sady tombontsoa bevata ty miaraky miasa amy Jehovah ro tafilitsy amy fanompoa masy ataontsika.—Sl 127:1; Ap 7:15.

AKORY TY AZONTSIKA ANDRAMBESA ANJARA?

  • Mandamindamy saky rava fivoria. Laha tsy afaky iha, le timpono ze raha nilatsaky marinidriniky ty sezinao.

  • Mandramby anjara tsy tampaky amy fanadiova noho fikojakojà Efitrano Fanjakà. Tsiela vita noho mahafalifaly ty asa lafa tsika manao tana maro.—lv 92 § 18.

  • Manao fanomeza an-tsitrapo. Mahafalifaly ani-Jehovah ndre drala kelikely aza laha baka am-po.—Mr 12:41-44.

  • Manampy an-tsitrapo amy fanorena noho fanavaoza ty fitaova ampiasani-fandamina laha afaky. Tsy voatery fa nanao fanorena vo afaky mandramby anjara.