MANINO RO VATAN-DRAHA?

Teantsika hotondraha ty voani-fahamarina natselikintsika. (1Ko 3:6) Lafa mahita olo kinto tsika, le soa laha mametraky fanontanea hovaleantsika amy fimpolia mitsidiky. Tsy ho lininy ty hiaviantsika amy zay sady hahamora ty fiomanantsika amy fimpolia mitsidiky koa raha zay. Lafa mimpoly any tsika le hivola hoe avy eto aho mba hamaly fanontanea niresahintsika farany iny.

AKORY TY HANAOVA AZY?

  • Lafa manoma fitoria santrano, le omano koa ty fanontanea hovaleanao amy fimpolia mitsidiky. Mety ho fanontanea valea anaty gazety na boky apetrakinao iny raha zay. Na fanontanea mampilitsy azy amy boky fampianara Baiboly teanao hampiasà lafa mimpoly iha.

  • Lafa hamaran-dresaky amin’olo kinto, le resaho aminy koa fa mbo ta hiresaky aminy ndraiky iha, bakeo avy le tohizo amy fanontanea fa nomaninao ty resaky. Alao ty adiresy na nimero telefony hahazoanao azy laha mety.

  • Laha manono andro na lera himpolianao iha, le miavia vatany amy fotoa zay.—Mt 5:37.