Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Hasoavo ty Fanompoanao: Manomboha Resadresaky Hahafahanao Mitory

Hasoavo ty Fanompoanao: Manomboha Resadresaky Hahafahanao Mitory

Afaky nitory tsy ara-potoa tamin’ampela samaritanina raiky Jesosy satria niresadresaky taminy tse. Akory ty hanasoavantsika ty fahaizantsika manomboky resaky amin’olo tsy zatsy antsika?

  • Manaova soa fanahy sady miresaha amin’olo. Nivozaky Jesosy, fe nangataky rano avao ie le fa afaky nanomboky resaky. Azonao atao, ohatsy, ty miarahaba bakeo miresaky mikasiky toetsandro, na ty fahatarani-bisy, na raha niseho vo tsiela. Tiarovo hoe hanomboky resaky ro tena raha kendrenao, ka azonao resahy ze foto-kevitsy hitanao hoe mety ho teany. Tsy manahy ndre tsy mamaly ie. Mbo afaky miresaky amin’olo hafa koa iha. Mivavaha amy Jehovah mba hana herim-po.—Ne 2:4; As 4:29.

  • Manentea hiriky hahafahanao miresaky ty vaovao soa, fe ka malisalisa loatsy. Engao handeha soa avao ty resakinareo. Mety ho hafahafa olo iny ka tsy hiresaky sasy, laha amboarinao marè ty resakinareo. Ka kivy laha fa tampitsy resaky iny, kanefa mbo tsy afaky nitory iha. Laha somary mampatahotsy anao ty hoe hiresaky mikasiky ty vaovao soa, le mianara manomboky resaky avao tse, fe tsy mieritseritsy hitory. [Alefaso video 1, bakeo iaraho midiniky.]

  • Andramo resahy ty raha tsapanao mikasiky ty finoanao, vasa hila fanazavà fanampiny ie, le ho afaky mitory amy zay iha. Manaitsy eritseritsy ty raha nivolanini-Jesosy ka nahavy ani-ampela iny hanontany. Niresaky ty vaovao soa Jesosy tafarani-zay, fe sahala fanontanean’ampela iny avao ro nivaleany. [Alefaso video 2 le iaraho midiniky, bakeo alefaso video 3 le iaraho midiniky.]