Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Tiarovo Valini-Lota Iny

Tiarovo Valini-Lota Iny

Nanino valini-Lota iny ro mbo nitoliky lafa nilay baka a Sodoma ao? Tsy miresaky mikasiky ani-zay ty Baiboly. (Ge 19:17, 26) Hita amy safà manodidy ani-fampitandremani-Jesosy fa mety ho nalahelo ty raha nengany ie. (Lk 17:31, 32) Ino ty azontsika atao mba hahavy antsika hahazo hatò amy Ndranahary avao, fa tsy hanahaky ani-valini-Lota iny? Tsy tokony hengantsika ho lasa voaloha lista amy fiainantsika ty filà hanana. (Mt 6:33) Nampianatsy Jesosy fa “tsy mahay manompo a Ndranahary noho ty Hanana” tsika. (Mt 6:24) Ka ino ty hataontsika laha hitantsika hoe manomboky mahavy antsika tsy hahavita raha ara-panahy sasy ty raha ara-nofo? Afaky mivavaky amy Jehovah tsika mba hahaizantsika ty fanovà mila atao, sady hananantsika hery noho fahasakia hanaova ani-zay.

ERITSERETO TY VIDEO HOE TIAROVO VALINI-LOTA INY, BAKEO VALEO FANONTANEA MANARAKY RETOA:

  • Akory ty hampisehoako hoe ‘tiaroko valini-Lota iny’?

    Ino iaby ty vokatsini-fanerea ho mpanarivo tamy eritseritsini-Rosia noho ty safàny voho ty raha nataony?

  • Manino valini-Lota iny ro ohatsy fampitandrema ho antsika henanizao?

  • Manino ty fanoriha torolalani-Baiboly ro nanampy ani-Jo noho ty fianakaviany?

  • Ino ty vokatsini-fiarahani-Anna tamy mpiaraky miasa aminy rey amy ty ara-panahiny?

  • Manino tsika ro mila herim-po lafa misy mandrisiky antsika hanao voaloha lista ty drala?

  • Ino ty nataoni-Brillant noho Rosia mba ho voaloha lista amy fiainan-drozy ndraiky ty raha ara-panahy?

  • Ino iaby ty torolalani-Baiboly hitanao amy video iny ao?