Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Nimaty ho ahi-ty Rahalahinao koa Jesosy

Nimaty ho ahi-ty Rahalahinao koa Jesosy

Nanao soro ty ainy ho an’olombelo tsy lavorary Jesosy. (Ro 5:8) Azo antoky fa samby mankasitraky tsika kiraidraiky hoe nampiseho ty fitiavany antsika Jesosy ka nanome ty ainy ho antsika. Fe mila tiarovintsika fa nimaty ho ani-rahalahy noho anabavintsika reo koa Kristy. Tea an-drozy ie ndre tsy lavorary manahaky antsika rozy. Akory ty hananantsika fitiava manahaky ani-zay? Retoa misy fomba telo. Voalohany, afaky minama amy Kristiana maro tsika, anatini-zay ty tsy mitovy fiavia amintsika. (Ro 15:7; 2Ko 6:12, 13) Faharoe, mila mitandrina tsika mba tsy hivola na hanao raha mety hampalahelo ty hafa. (Ro 14:13-15) Farany, laha nisy olo nanao raha tsy nety amintsika, le tokony ho parè hanenga ty hadisoany tsika. (Lk 17:3, 4; 23:34) Laha miezaky manahaky ani-Jesosy ho zay tsika, le hotahini-Jehovah ty fiangona misy antsika ka hilongo noho hiharo raiky.

HENTEO TY VIDEO HOE MIEZAHA HO TENA SOA TOETSY! BAKEO VALEO FANONTANEA MANARAKY RETOA:

  • Nanao akory tse ty fahitàni-Miki ty fiangona misy azy tamy voalohany?

  • Ino ty nampiova hevitsy azy?

  • Manino ty modelini-Jesosy ro nanampy ani-Miki hanova ty fomba fihevitsiny? (Mr 14:38)

  • Manino ty Ohabolana 19:11 ro manampy antsika hana fomba fihevitsy soa mikasiky Kristiana namantsika reo?