Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Hasoavo ty Fanompoanao: Ampiasao Soa ty JW.ORG

Hasoavo ty Fanompoanao: Ampiasao Soa ty JW.ORG

MANINO RO TENA ILÀ? Samby mampirisiky ty olo hilitsy amy tranonkala jw.org ao iaby Fitaova Fampianarantsika Baiboly rey. Zay mihintsy aza ty antony nampiboaha karta JW iny noho ty taratasy mivalo hoe Aia ty Ahità ty Valiny Fanontanea Manahira Antsika Rey? Azonao ampiasà koa ty jw.org laha misy olo teanao hamea raiky amy Fitaova Fampianarantsika Baiboly rey. Azonao alefa e-mail aminy raha iny, na alefanao aminy ty adiresy mivanta any. Tena manampy raha io sirtò lafa mampiasa fivolana hafa olo itorianao iny. Mety hametraky fanontanea tsy anatini-Fitaova Fampianarantsika rey koa ty olo. Hahita vokatsy iha laha mahay mampiasa ty jw.org.

AKORY TY HANAOVA AZY?

  • Ampiasao ty hoe “FAMPIANARAN’NY BAIBOLY.” Eritsereto hoe mitory amy baba noho reny raiky iha, mila fanazavà maromaro mikasiky ty fomba fitezà rozy. Milira amy hoe FAMPIANARAN’NY BAIBOLY > TOKANTRANO & FITAIZANA.

  • Ampiasao ty hoe “RAHA FA MISY.” Eritsereto hoe mitory tsy ara-potoa an-dakilasy any iha, le ta hampitoro ty bokikely Fanontanea 10 Mampiasa Loha ty Tanora amy mpiaraky mianatsy aminao. Milira amy hoe RAHA FA MISY > BOKY & BOKIKELY.

  • Ampiasao ty hoe “MIKASIKY ANAY.” Eritsereto hoe mitory amy mpiaraky miasa aminao iha. Ta hamaky fanazavà maromaro mikasiky ty raha inoantsika ie. Milira amy hoe MIKASIKY ANAY > FANONTANEA FAPETRAKIN’OLO.

HENTEO TY VIDEO HOE AMPIASAO SOA TY JW.ORG, BAKEO DINIHO HOE AIA AMY TRANONKALANTSIKA AO IHA RO HAHITA FANAZAVÀ LAHA TA HANAMPY:

  • olo tsy mino a Ndranahary

  • olo nitra-doza

  • rahalahy na anabavy tsy nitory sasy

  • olo tsidihinao ta hahay hoe baka aia ty drala ampiasantsika

  • olo baka an-tany hafa manontany hoe aia ty misy pilasy azony anatreha fivoria amy tany misy azy any