Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 FIANARA MANOMPO

Hasoavo ty Fanompoanao: Amboaro ty Fametraha Gazety Hampiasanao

Hasoavo ty Fanompoanao: Amboaro ty Fametraha Gazety Hampiasanao
POZINY

MANINO RO VATAN-DRAHA? Natao mba hahitantsika hevitsy avao ty fitoria modely amy kahiem-pivoria toy. Mila mampiasa ty fivolananao manoka iha. Mety ta hampiasa fomba hafa iha, na mety foto-kevitsy hafa ro hitanao hoe mahakinto olo amy faritaninareo ao. Laha zay ie, le azonao ampiasà soso-kevitsy manaraky retoa, lafa baka namaky ani-gazety iny iha, ka nandiniky ani-fitoria modely iny, sady nanenty ani-video fampisehoa rey.

AKORY TY HANAOVA AZY?

Mieritsereta hoe: ‘Ta hampiasa raiky amy fitoria modely reo va aho?’

EKA

  • Omano ty safà horesahinao voalohany. Lafa baka niarahaba amy fomba mahazatsy anareo iha, le volano tsiela ty anton-dianao. (Ohatsy: “Zahay androany ... ”)

  • Diniho hoe ino ty hovolaninao lafa baka nametraky fanontanea noho baka namaky andinin-teny, mba hitohy ty resakinao. (Ohatsy: Lafa hamaky andinin-teny iha, le afaky mivola hoe: “Toy misy valiny mahafa-po.”)

AHA

  • Mifiliana foto-kevitsy raiky mahakinto anao amy gazety iny, ka hitanao hoe mety haninto ty olo amy faritaninareo ao

  • Manomana fanontanea hahavy azy hampiboaky ty hevitsiny, mba ho kinto ie ka hitohy ty resakinareo. Fe ka mametraky fanontanea mety hahavy azy ho hafahafa. (Ohatsy: Azonao ampiasà ty fanontanea amy pejy 2 amy gazety iny.)

  • Filio ty andinin-teny hovakinao. (Laha Mifohaza! ro horesahinao, le afaky mifily iha, satria natao ho ani-karazan’olo iaby gazety io.)

  • Manamboara fehezan-teny raiky na roe hanazavà amin’olo iny fa hahasoa azy ty mamaky ani-lahatsoratsy iny

TOHIZO AMY TOY

  • Manomana fanontanea hodinihy amy fimpolia mitsidiky

  • Mandrambesa an-tsoratsy soa ho tiaronao ty raha hovolaninao aminy lafa himpoly iha