Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

“Ze Naharo-Ndranahary Bao...”

“Ze Naharo-Ndranahary Bao...”

Nivola ty Lalànani-Mosesy fa tokony hikarakara taratasy fisaraha ty lahilahy raiky laha mieritseritsy hisaraky amy valiny. Natao raha zay mba tsy hahavy an-drozy halisalisa hisaraky. Fe tamy androni-Jesosy, le nataoni-mpitariky fivavaha reo ze hahamora ty fahazoa alala hisaraky. Maro biby ty antony nahafahani-lahilahy misaraky amy valiny. (nwtsty: raha ianara amy Mr 10:4, 11) Nampahatiarovini-Jesosy fa Jehovah ro namoro ty fanambalea. (Mr 10:2-12) Tokony hanjary “nofotsy raiky” ty lahilahy noho ampela mifanambaly ka tsy hisaraky mihintsy. Antony raiky avao ro resahini-Soratsy Masy hoe ahafaha misaraky. Lafa hentea ty fitantarani-Matio, le volaniny hoe “fijangajangà” antony io.—Mt 19:9.

Maro henanizao ty olo mitovy hevitsy amy Fariseo reo, fa tsy mitovy hevitsy amy Jesosy, amy resaky fanambalea. Malisalisa hisaraky ty olo amy tontolo toy laha vo misy raha manahira. Tsy manahaky ani-zay ty mpivaly kristiana. Vatan-draha amin-drozy ty voady nataon-drozy ka miezaky marè rozy mba hanoriky ty torolalani-Baiboly, mba ahafaha mandresy raha sarotsy. Henteo tse ty video hoe Miharo Raiky ty Fianakavia Lafa Mifankatea Noho Mifanaja, bakeo valeo fanontanea retoa:

  • Manao akory ty hanorihanao ty Ohabolana 15:1 amy fanambaleanao, le manino ro tena ilà raha zay?

  • Manino ro afaky manalavitsy raha manahira iha lafa manoriky ty Ohabolana 19:11?

  • Laha tsy milamy ty fanambaleanao, le tsy mety ty mieritseritsy hoe “Hisaraky va?”, fa ino ty fanontanea tokony hovetsevetsenao?

  • Manino ro manampy anao ho valy soa ty fanoriha ty Matio 7:12?