Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Hasoavo ty Fanompoanao: Mahaiza Manoratsy Lafa Mitory An-taratasy

Hasoavo ty Fanompoanao: Mahaiza Manoratsy Lafa Mitory An-taratasy

MANINO RO TENA ILÀ? Anisani-taratasy 14 nisoratini-apostoly mba hampahereza ani-mpiara-manompo aminy rey ty 1 Korintianina. Lafa manoratsy taratasy ty olo raiky, le manam-potoa hifiliana safà mety soa sady afaky mampimpolimpoly mamaky azy koa azy andefasa azy iny. Tena soa ty mampiasa taratasy laha ta hitory amy longo na olo tanà raiky amin-tena. Io koa ro fomba hahazoa mitory amy ty olo tsy afaky miresaky mivanta amintsika. Ohatsy hoe, olo mety ho kinto fe tsy tratsy an-trano ao matetiky. Mety ho sarotsy hita koa ty olo sisany amy faritanintsika eny laha mipetraky amy pilasy ambena marè, na anatini-lakoro be, na amy pilasy mitoka. Ino ty raha tokony ho tiarovy, sirtò laha hanoratsy amin’olo tsy haintsika?

AKORY TY HANAOVA AZY?

  • Anovo sahala hoe miresaky aminy mivanta iha. Ambarao azy tse ty mikasikasiky anao, le resaho mazava hoe ino ty antony anoratanao ani-taratasy iny. Afaky mametraky fanontanea ho eritseretiny iha le atorò azy ty tranonkalantsika. Bakeo ambarao azy fa misy fianara Baiboly amy Internet ao, na resaho fa afaky mampianatsy Baiboly azy an-tranony any tsika, na manonòna lohatenini-toko sisany amy fianara rey. Afaky asia karta jw.org, fanasà, na taratasy mivalo miaraky amy taratasy iny

  • Ka be resaky. Laha ataonao lava taratasy iny, le ho kamo hamaky azy olo andefasanao azy iny.—Henteo taratasy modely iny

  • Hamarino taratasy iny tsy no hisy diso, le anovo malio noho mora vakỳ. Manaova soa fanahy, mahaiza mandanjalanja, le ka mitsaratsara. Anovo ampy soa ty timbre