Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

“Hajao ty Babanao Noho Reninao”

“Hajao ty Babanao Noho Reninao”

Nihamafisini-Jesosy didy toy tamin’ie tan-tany etoy: “Hajao ty babanao noho reninao.” (Ek 20:12; Mt 15:4) Nahasaky nivola ani-zay ie satria ‘norihiny avao ty safàni-babany noho reniny’ tamin’ie mbo nikely. (Lk 2:51) Lafa nibe Jesosy, le nataony azo antoky hoe ho voakarakara soa reniny afarani-hahafatesany.—Jn 19:26, 27.

Ndre amy andro henanizao, le manome voninahitsy ty baba noho reniny ty tanora Kristiana, ka manoriky ty safàn-drozy sady miresaky amin-drozy am-panajà. Ilà avao zisiky farany ty fanajà baba noho reny. Ndre fa miha antitsy aza rozy, le mbo tokony hohajàntsika avao. Handramby soa baka amy ty fahihiran-drozy tsika amy zay. (Oh 23:22) Manaja ty baba noho renintsika fa antitsy koa tsika lafa manome drala noho ze raha ilàn-drozy ara-pihetseham-po. (1Ti 5:8) Hanampy antsika hanaja avao ty baba noho renintsika ty fiezahantsika hifandramby soa amin-drozy, ndre tanora tsika ndre antitsy.

HENTEO TY VIDEO MISY SARISARY HOE AKORY TY HAHAIZAKO MIRESAKY AMY BABA NOHO MAMA?, BAKEO VALEO FANONTANEA RETOA:

  • Manino ro mety ho sarotsy aminao ty miresaky amy baba noho reninao?

  • Akory ty hanajanao ani-baba noho reninao lafa iha miresaky amin-drozy?

  • Manino iha ro tokony hiezaky hiresaky amy baba noho reninao? (Oh 15:22)

    Hahasoa anao amy fiaina ty fahaizanao miresaky amy baba noho reninao