Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Ambinao va ty Toetsini-Jehovah Tsy Hita Maso?

Ambinao va ty Toetsini-Jehovah Tsy Hita Maso?

Ambinao va ty asan-tanani-Mpamoro iny lafa iha manenty folera soasoa rey, na lanitsy feno basia iny, na lozoky an-driaky eny rey? Hita mazava amy zavaboary manodidy antsika eny rey ty toetsini-Jehovah tsy hita maso. (Ro 1:20) Lafa mitofatofa rey tsika sady mametsivetsy ty raha hitantsika maso, le afaky mahita ty heri-Ndranahary, ty fitiavany, ty fahendreany, ty fitiavany ty rariny, miaraky amy ty hasoam-panahiny.—Sl 104:24.

Ino amy raha niforonini-Jehovah rey ro mpihitanao sanandro? Mbo afaky mahita voro noho hazo avao iha ndre mipetraky an-davily. Laha mandiniky soa ani-raha niforonini-Jehovah rey tsika le tsy hiasa loha marè ka ho afaky hifantoky amy ze vatan-draha, sady hitombo ty fatokisantsika hoe mahavita mikarakara antsika zisiky farany Jehovah. (Mt 6:25-32) Laha manan’anaky iha le ampeo rozy hahita ty toetsy miavaky ananani-Jehovah. Arakarakini-ankasitrahantsika ty zavaboary mbamintsika mbeny ro vomaiky hahavy antsika hifandramby marìny amy Mpamoro iny.—Sl 8:3, 4.

HENTEO TY VIDEO HOE MANAMBARA NY VONINAHITR’ANDRIAMANITRA NY HAKANTON’NY ZAVABOARY: HAZAVANA SY LOKO, BAKEO VALEO FANONTANEA RETOA:

  • Manino tsika ro afaky mahita loko sankarazany?

  • Manino ty loko sisany ro atao raha miovaova arakarakini-pilasy anenteantsika azy?

  • Manino ty lanitsy ro miovaova loko?

  • Ino amy lokoni-zavaboary hitanao aminareo eny ro tena teanao?

  • Manino tsika ro tokony hanoka fotoa handiniha zavaboary?

Manao akory ty toetsini-Jehovah laha hentea ty hazavà noho ty loko?