Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIANANTSIKA KRISTIANA

Hasoavo ty Fanompoanao: Ajanòno ze Mpianatsy Baiboly Tsy Mandroso

Hasoavo ty Fanompoanao: Ajanòno ze Mpianatsy Baiboly Tsy Mandroso

MANINO RO VATAN-DRAHA? Mila mikaiky ty anarani-Jehovah ty olo vo ho avotsy. (Ro 10:13, 14) Fe tsy voatery hoe ta hiay mifanaraky amy fitsipikini-Jehovah iaby ze olo maneky hianatsy Baiboly. Kanefa lafovily ty fotoantsika ka ampiasantsika soa mba hanampea ty olo tena ta hanao fiovà mba hampifalea ani-Jehovah. Ka lafa misy mpianatsy Baiboly tsy manao fandrosoa mihintsy ndre fa nampianary elaela, le soa laha ajano ie fa aleo mandany fotoa hanampea ty olo taomini-Jehovah hamonjy azy noho ty fandaminany. (Jn 6:44) Laha miova ie afara any ka mampiseho hoe ‘mana fo soa mba hahazoa fiaina zisiky farany’, le falifaly tsika hanohy hampianatsy azy ndraiky.—As 13:48.

AKORY TY HANAOVA AZY?

  • Derao mpianatsy iny satria naniry hahazo fahaiza marina soa.—1Ti 2:4

  • Resaho mazava hoe nanino ie ro tokony hanoriky ze raha nianarany.—Lk 6:46-49

  • Manaova soa fanahy le resaho fanoharani-Jesosy mikasiky mpamafy iny, le ampirisiho ie mba handiniky hoe ino ty raha misaka azy tsy hanoriky ty raha nianarany.—Mt 13:18-23

  • Mahaiza mandanjalanja le hazavao hoe manino ie ro ajanonao

  • Ambarao azy hoe hamangivangy azy avao iha mba hanaitaitsy azy, le ambarao azy koa hoe afaky tohizanareo ndraiky fianara iny afara any laha manoriky ty raha nianarany ie

HENTEO VIDEO INY BAKEO VALEO FANONTANEA RETOA:

  • Ino tamy fifampiresahan-drozy teo iny ro mampiseho hoe tsy mandroso mpianatsy iny?

  • Ino ty raha nataoni-mpitory iny mba hahavy ani-mpianatsy iny hahay hoe mila miova ie?

  • Ino ty nataoni-mpitory iny mba hahaizani-mpianatsy iny hoe mbo parè hanohy ani-fianara iny ie laha parè ndraiky mpianatsy iny afara any?