Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Hasoavo ty Fanompoanao: Ampeo Hanjary Mpianatsy ty Olo ‘Mana Fo Soa’

Hasoavo ty Fanompoanao: Ampeo Hanjary Mpianatsy ty Olo ‘Mana Fo Soa’

MANINO RO TENA ILÀ? Ataoni-Jehovah ze hampitombo ty voani-fahamarina am-poni-ze ‘mana fo soa mba hahazoa fiaina zisiky farany’ ao. (As 13:48; 1Ko 3:7) Miaraky miasa aminy tsika, ka manao ze azontsika atao amy fanompoa mba hanampea ani-ze manoriky ty raha ianarany. (1Ko 9:26) Mila ambara ani-mpianatsy Baiboly rey hoe tsy maintsy atao batisa rozy vo hahazo fanavota. (1Pe 3:21) Manampy an-drozy hanjary mpianatsy tsika lafa mampianatsy an-drozy hanao fanovà amy fiainany, hitory noho hampianatsy, bakeo hanokam-bata ho ani-Jehovah.—Mt 28:19, 20.

AKORY TY HANAOVA AZY?

  • Ampahatiarovo ty mpianatsy Baiboly fa mba hahavy azy ‘hahay ani-Jehovah’ noho hampifaly azy ro antony ianarany.—Jn 17:3

  • Ampeo ie mba handresy ty raha manaka azy tsy handroso, ohatsy hoe fahazaran-draty na nama hafahafa

  • Hatanjaho noho ampaherezo ie, aloha noho afarani-batisany.—As 14:22

HENTEO TY VIDEO HOE HANAMPY ANAO JEHOVAH NDRANAHARY, BAKEO VALEO FANONTANEA RETOA:

  • Ino ty raha mety hampatahotsy ty olo raiky hanokam-bata noho hatao batisa?

  • Ino ty azoni-anti-panahy atao mba hanampea ty mpianatsy Baiboly handroso ara-panahy?

  • Ino ty raha ianarantsika mikasiky ani-Jehovah baka amy Isaia 41:10?

  • Ino ty toetsy mila ananantsika, mba hahazo hatò amy Jehovah avao ty fanompoantsika, ndre tsy lavorary aza tsika?

Ino ty ataontsika mba hiaraha miasa amy Jehovah amy asa fanaova mpianatsy?