Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Ino ty Hataonao mba Hiomana amy Fahatiarova?

Ino ty Hataonao mba Hiomana amy Fahatiarova?

Hanam-potoa hiomana soa amy Fahatiarova ty nahafatesani-Kristy tsika manomboky amy tao toy. Laha amy andavanandro ty Fahatiarova, le tsy hisy Fivoria Mikasiky Fiaina Noho Fanompoa amy herinandro iny. Laha amy farani-herinandro ty Fahatiarova, le tsy hisy lahateny ho ahi-ty maro noho Fianara Tilikambo Fiambena amy herinandro iny. Hampiasànao amy fomba soa va fotoa malalaky io? Mila fiomana ty fotoa manoka ho io, manahaky tamy taonjato voalohany iny avao. (Lk 22:7-13; km 3/15 1) Fe ty fontsika ro tena mila omanintsika. Akory ty hanaova ani-zay?

  • Vetsevetseo hoe manino iha ro tena tokony hanatriky.—1Ko 11:23-26

  • Mivavaha, le eritsereto ty fifandrambesanao manoka amy Jehovah.—1Ko 11:27-29; 2Ko 13:5

  • Vakio ze lahatsoratsy miresaky ty dikani-Fahatiarova, bakeo vetsevetseo.—Jn 3:16; 15:13

Maro ty mpitory mamaky noho mametsivetsy ani-famakia Baiboly ho amy Fahatiarova amy Fandinihana ny Soratra Masina Isan’andro ao rey. Misy koa mampiasa andinin-teny amy tablò io. Ty sisany koa mampimpoly lahatsoratsy miresaky mikasiky ty Fahatiarova noho ty fitiava nasehoni-Jehovah noho Jesosy, baka amy gazety Tilikambo Fiambena. Ndre ino ndre ino raha filinao hampiasà, le mitamà zahay fa hihariny ani-Jehovah noho Anakilahiny iny iha.