Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Mila Itoria Noho Ampianary ty Olo mba Hanjary Mpianatsini-Jesosy

Mila Itoria Noho Ampianary ty Olo mba Hanjary Mpianatsini-Jesosy

Nandidy ty mpanori-dia azy Jesosy mba handeha hanao mpianatsy. (Mt 28:19) Midika raha zay fa mila mitory noho mampianatsy rozy. Zao ty raha tokony ho eritseretintsika kindraindraiky: ‘Akory ty azoko anasoava ty fitoria noho fampianara ataoko, satria tena ilà raha reo amy asa fanaova mpianatsy?’

FITORIA

Tsy tokony handìny olo hamonjy antsika tsika fa tokony hazoto hila ani-ze “maeva.” (Mt 10:11) Haintsika va ty manararaotsy ty fotoa ahafaha miresaky, lafa misy olo “sendra tojiky” antsika amy fanompoa eny? (As 17:17) Nanjary mpianatsy Lydia satria nazoto nitory ty apostoly Paoly.—As 16:13-15.

“Mamafaza voa amy maray, le ka aenieny ty tananao zisiky hariva” (Mpto 11:6)

HENTEO TY VIDEO HOE KA “MIENY” MIHINTSY FA MITORIA AVAO: TSY ARA-POTOA NOHO SANTRANO, BAKEO VALEO FANONTANEA RETOA:

  • Ino amy fahazarani-Samoela ro mampiseho hoe nila fomba hambolea ty voani-fahamarina avao ie?

  • Manino tsika ro mila miezaky avao mba hitory amy fomba sankarazany?

  • Ia iaby ty azonao itoria mikasiky Fanjakà iny laha hentea ty raha fataonao sanandro?

FAMPIANARA

Tsy ampy ty hoe mametraky boky amin’olo lafa manao mpianatsy. Mila mimpoly mitsidiky noho mitariky fampianara Baiboly tsika mba hanampea azy handroso ara-panahy. (1Ko 3:6-9) Ka manao akory laha tsy mahita vokatsy firy iha, ndre miezaky mafy hampianatsy ty marina mikasiky Fanjakà iny? (Mt 13:19-22) Tsy tokony hieny mihintsy tsika fa hila ani-ze mana fo sahala amy “tany soa” io.—Mt 13:23; As 13:48.

“Zaho namboly, Apolosy nanondraky, fa Ndranahary tsy nieny nampitombo” (1Ko 3:6)

HENTEO TY VIDEO HOE KA “MIENY” MIHINTSY FA MITORIA AVAO: ANJAVALALA NOHO MANAO MPIANATSY, BAKEO VALEO FANONTANEA RETOA:

  • Manao akory ty nanondrahani-Tovo morovaly ty voani-fahamarina tam-poni-Ezekiela noho Dina ao?

  • Ino ty tokony ho raha kendrentsika lafa mitory amy fomba sankarazany, anatini-zay ty fitoria anjavalala?

  • Ino iaby ty azontsika atao mba hampisehoa hoe vatan-draha amintsika ty mampianatsy fahamarinana?