Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 TY FIAINANTSIKA KRISTIANA

Rambeso Soa Rozy

Rambeso Soa Rozy

Ia rambesy soa io? Lafa kila olo manatriky fivoria, ndre vaovao ndre fa namantsika fa ela. (Ro 15:7; He 13:2) Mety ho avy ao ty mpiara-manompo baka an-tany lavitsy any. Mety hisy olo fa tsy nitory sasy sady tsy nivory fa tanatini-tao maro koa ty ao. Eritsereto hoe ho nanao akory iha laha tamy pilasin-drozy. Tsy ho niteanao va laha mandramby anao soa ty olo? (Mt 7:12) Ka tsy aleo koa mba miezaky mamonjy ani-ze olo amy Efitrano ao lafa aloha noho afarani-fivoria? Lafa samby manao ani-zay tsika le vomaiky ho hita hoe mifankatea, ka hanome voninahitsy ani-Jehovah. (Mt 5:16) Marina fa tsy afaky hiresaky amy ty olo kiraidraiky avy am-pivoria ao tsika, fe ho falifaly iaby tsika laha samby miezaky. *

Tsy amy fotoa miavaky manahaky Fahatiarova rey avao tsika ro ho hita hoe mahay mandramby vahiny fa amy fotoa iaby mihintsy. Lafa hitani-vahiny rey amy ty raha ataontsika hoe mifankatea tsika, le mety ho voatosiky hidera a-Ndranahary rozy ka hiaraky manompo amintsika.—Jn 13:35.

^ feh. 3 Manaraky ty torolala amy Baiboly ao tsika, ka tsy afaky hifandramby loatsy amin’olo voaroaky na niala an-tsitrapo, ndre avy am-pivoria any ie.—1Ko 5:11; 2Jn 10.