Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 FIANARA 19

Miezaky Midosiky Fo

Miezaky Midosiky Fo

Ohabolana 3:1

INO TY IANARA ATO? Ampeo ty mpijanjy mba hahay ty maha vatan-draha ani-raha nianarany iny noho hanao raha mifanaraky amy zay.

AKORY TY ANAOVA AZY?

  • Ampeo ty mpijanjy anao mba handiniky ty vatany. Mametraha fanontanea mampieritseritsy mba hanampea ty olo mijanjy anao handiniky ty hevitsiny.

  • Ampirisiho hana antony manosiky soa ty mpijanjy. Ampeo ty mpijanjy mba handiniky hoe manino rozy ro manao raha soa. Ampeo rozy mba hana antony manosiky farani-ze soa, tsy ino zay fa ty fitiava ani-Jehovah noho ty olo hafa, voho ty fampianarani-Baiboly. Ka mananatsanatsy, fa miezaha handresy lahatsy. Ka manao ze hahamenatsy an-drozy, fa ampeo rozy mba hahazo fampahereza noho parè hanao ze farani-vitan-drozy lafa tampitsy ty famelabelaranao.

  • Ampeo hifantoky amy Jehovah ty mpijanjy. Aboaho soa hoe manino ty fampianara, torolala, na didy amy Baiboly ao ro mampiseho ty toetsi-Ndranahary noho ty fitiavany antsika. Ampeo ty mpijanjy anao mba haniry hahay ty hevitsini-Jehovah noho ta hampifaly azy.