Hiresaky tantaran’olo sisany nana finoa miavaky fizarà toy. Ajà ampela israelita ta Syria any zay, ohatsy, nino fa hahafaky ty aretini-Namàna ty mpaminanini-Jehovah. Tena natoky koa Elisa mpaminany hoe hiaro azy amy maramila maro biby nanafiky an-drozy rey Jehovah. Le Joiada Mpisorobe nirisiky niaro ani-Joasy, satria mbo nikely Joasy fe niraty fanahy Atalia bebeny. Horesahy atoa koa hoe tsy natahotsy Hezekia Mpanjaka lafa nampitahorini-Asyrianina rey, satria natoky ie hoe havotani-Jehovah Jerosalema. Niasa mafy koa Josia Mpanjaka, soa tsy hisy hanompo sampy sasy ty olo tamin-drozy any. Namboariny ndraiky tempoly iny, bakeo nitarihiny ho amy fivavaha marina ty olo.