Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 FIANARA FAHA-5

Sambofiarani-Noa

Sambofiarani-Noa

Nihamaro nihamaro avao ty olo tan-tany etoy, sady nimaro biby ty olo raty fanahy. Ndre ty anjely sisany tan-danitsy any aza niharaty. Niala baka an-danitsy any rozy, le nijotso an-tany etoy. Hainao ty antony? Soa hiova olombelo rozy, le hanambaly.

Niteraky amy zay ampela valin-drozy rey. Be noho abo ty anakin-drozy, ka nampijaly noho nanerisery olo. Halani-Jehovah raha rezay, farany ie niparè handefa ranobe handripaha ty olo raty iaby.

Fe ndre teo zay, le nisy lahilahy raiky zay tea ani-Jehovah. Noa ty anarany. Nanambaly ie, sady nana anakilahy telo. Sema, Hama noho Jafeta. Samby fa nanambaly iaby anakilahiny reo. Nampamboarini-Jehovah sambobe raiky Noa mba hahavotsy azy noho fianakaviany reo. Manahatahaky sandòky io ty hanaova azy, amy zay mety mihafo anabo rano eny. Teani-Jehovah ho avotsy koa ty biby, farany nivolaniny Noa mba hampilitsy biby sankarazany anatini-sambofiara io ao.

Avy le namboarini-Noa sambofiara iny. Dimampolo tao teo ho eo vo vita raha iny. Mitovy amy nivolanini-Jehovah iny mihintsy ty namboaran-drozy azy. Tamy fotoa zay, le nivolanini-Noa ty olo hoe hisy Ranobe. Fe tsy nisy nijanjy azy.

Niavy amy zay ty fotoa hilira anatini-sambofiara iny ao. Ino ty raha niseho? Ndao hohenteantsika ndraiky zay.

“Manahaky ty tamy androni-Noa, le hanahaky ani-zay koa ty fanatrehani-Anak’olo.”—Matio 24:37