Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

 Fianara 16

Ino Iaby ty Asa Atao ty Mpanampy Amy Fanompoa?

Ino Iaby ty Asa Atao ty Mpanampy Amy Fanompoa?

Myanmar

Anjara amy fivoria

Fivoria aloha ty fanompoa

Mikarakara Efitrano Fanjakà

Mivola ty Baiboly fa mizara roe ty lahilahy voafily hikarakara amy fiangona ao. Tsy ino raha zay fa ty ‘Mpiandraikitsy noho ty mpanampy amy fanompoa.’ (Filipianina 1:1) Misy rahalahy maromaro amy fiangona kiraidraiky, voafily ho anti-panahy na mpanampy amy fanompoa. Ino ty asa anovy ty mpanampy amy fanompoa ho ahy ty fiangona?

Manampy ty anti-panahy rozy. Mifandramby soa amy Ndranahary ty mpanampy amy fanompoa noho atokisa sady tea miasa. Misy amin-drozy fa be ty ilany mbo tanora. Misy asa maro anovin-drozy amy fiangona noho amy Efitrano Fanjakà any. Mahavy ty anti-panahy hana fotoa malalaky hikarakara noho hampianara ty olo amy fiangona ao raha zay.

Misy asa maro anovin-drozy amy fiangona ao. Misy amy mpanampy amy fanompoa reo voafily handramby soa ze olo mamonjy fivoria. Ty ilany mikarakara ty hampazava soa ty feo noho ty raha maneno ampiasa amy fivoria ao. Ao koa ty voafily hizara boky noho gazety amy fivoria ao, hikarakara kaonty noho hikarakara ty faritany hitoria ty fiangona. Manampy amy fikarakara ze hahasoa Efitrano Fanjakà koa ty ilany amin-drozy. Mety hivola an-drozy koa ty anti-panahy hikarakara olo fa antitsy amy fiangona ao. Atao ty mpanampy amy fanompoa ze asa ampanovy an-drozy. Manaja an-drozy amy asa soa anovin-drozy zay ty fiangona.—1 Timoty 3:13.

Manome ohatsy soa rozy. Voafily ho mpanampy amy fanompoa ze rahalahy manaraky soa ty raha volany amy Baiboly ao. Anovin-drozy soa ty anjara amea an-drozy amy fivoria ao, ndre lafa manao lahateny, ndre lafa mamaly teny na lafa misy anjara hafa. Mahavy anay hana finoa matanjaky raha iaby anovin-drozy zay. Manome ohatsy soa orihinay rozy, satria mazoto mitory noho mampianatsy. Manjary mifankatea noho falifaly ty fiangona satria mahay miaraky miasa amy anti-panahy rozy. (Efesianina 4:16) Mety hanjary anti-panahy koa rozy lafa afara any.

  • Olo manao akory mpanampy amy fanompoa zao?

  • Ino ty raha anovy mpanampy amy fanompoa reo, soa hampandeha soa ty asa amy fiangona ao?