Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

Fanazavà

Fanazavà

ASA AN-TSITRAPO Laha ta hanampy an-tsitrapo amy asa mifandramby amy fivoriambe toy iha, le vonjeo azafady ty Sampan-draharahani-Asa An-tsitrapo fa hatoro anao ze ilà fanampea.

BATISA Alohani-lampihazo eo ty pilasy natoka ho ahi-ty olo hatao batisa laha tsy misy toromariky hafa. Tokony fa ho amy pilasy natoka ho an-drozy eo ty olo hatao batisa, alohani-hanombohani-lahatenini-batisa, amy Sabotsy maray. Tokony handay serveta rozy sady handay akanjo maotina handesiny mijobo anaty rano.

FAMETRAHA RAHA TROBO NOHO HITA Tokony handesy amy sampan-draharaha io any ty raha hita iaby. Mamonjea ani-sampan-draharaha io laha misy rahanao trobo, le ilao ao raha zay. Tokony handesy any koa ty ajà trobo. Fe mba tsy hanahira, le ambeno soa ty anakinao. Ka engà hisaraky aminao rozy.

FANOMEZA ZE FOIM-PO Maro vatany ty fandania natao mba hahavy ani-fivoriambe toy ho soa sady mahafalifaly noho hanampy antsika hifankarìny marè amy Jehovah. Eo ty fikarakarà sezy, fanamafisam-peo, video, noho ty maro hafa. Manampy mba hanonera fandania reo ty fanomeza ze foim-po ataonao, sady mampandroso ty asa amy tany toy iaby. Misy boaty maromaro napetraky amy pilasy anaova fivoriambe toy, mba hahamora ty fanaovanao fanomeza. Ankasitraha iaby lafa kila fanomeza ataonao. Misaotsy anao ty Filan-kevi-pitantana, satria tea manome iha ka mampandroso ty asani-Fanjakà iny.

FITSABOA SAROMBAKY Tiarovo fa ze mila fitsaboa SAROMBAKY AVAO ro karakarà ao.

MPIKARAKARA MPANATRIKY Natao hanampy anao mpikarakara mpanatriky reo. Soa iha laha miaraky miasa amin-drozy, ka hanaraky ty toromariky amean-drozy mikasiky ty fametraha tomabily na bisikileta, fandamina mpanatriky, fitanjaha pilasy, noho ty hafa.

PILASY Mba eritsereto koa lahy ty olo hafa. Tiarovo fa ty fianakavianao marìny, na ty olo miharo tomabily na miharo trano aminao, na ty olo ampianarinao Baiboly avao ro azonao itanjaha pilasy. Ka ametraha enta ty pilasy tsy nitanjahinao.

 FIVORIA MANOKA

SEKOLINI-MPITORY FANJAKÀ INY Hisy fivoria hatao ho ahi-ty olo maniry hanatriky ani-sekoly io amy Lahady folakandro. Afaky manatriky eo ze mpisava lala 23 tao zisiky 65 tao ta hampitombo ty fanompoany. Mbo hambara avao ty pilasy noho fotoa hanaova ani-fivoria io.

Alamini-Filan-kevi-pitantanani-Vavolombeloni-Jehovah