Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

Fizarà 7: Fanangàna An’​i Jesosy amy Maty Zisiky amy Fampilìra An’​i Paoly Am-pigadrà Ao

Fizarà 7: Fanangàna An’​i Jesosy amy Maty Zisiky amy Fampilìra An’​i Paoly Am-pigadrà Ao

Telo andro tafara’​ty nahafatesan’​i Jesosy le novelomy ndraike ie. Niseho indimy tamy mpianatsine reny Jesosy tamy andro io. Mbo niseho tamin-droze avao ie tanaty 40 andro. Niakatse an-danitse ane Jesosy, laha mbo nitandré nandinike mikasike raha niseho iaby rezay ty sasane amy mpianatsine. Folo andro tafara raha zay, le nandatsake fanahy masy tamy mpianatsin’​i Jesosy nijàno ta-Jerosalema tao reny, Andranahare.

Nampilìry fahavalo-Ndranahare reo tam-pigadrà tany apostoly reny laha fa tafara atoy. Fe nisy anjele, namoake an-droze bakao. Notoràhy mpanohitse reny vato Stefana, mpianatsin’​i Jesosy. Fe hianarantsika atoa ty fomba nitaòman’​i Jesosy ty raike amy mpanohitse aze reo hanjary mpianatsine miavake. Apostoly Paoly ro nikaìha mpanohitse io, laha fa tafara atoy. Nirahi-Ndranahare hitory amy lahilahy tsy Jiosy atao hoe Kornelio zay noho ty fianakaviane, apostoly Petera, laha fa afake telo tao noho tampane tafara’​ty nahafatesan’​i Jesosy.

Nanao ty lia misionera nataone voalohane Paoly 13 tao tafara raha zay. Niarake tamin’​i Paoly Timoty tami’​ty liany faharoe. Hianarantsika atoa kea ty raha maro nihitan’​i Paoly noho namane reny tamy fanompoan-droze an’​Andranahare. Farane, le nogadrà ta-Roma ane Paoly. Nafàha bakao ie roe tao tafara atoy, fe mbo nampòly am-pigadrà ane ndraike tafara atoy, sady novonòa. Fizarà FAHAFITO toy le ahità ty raha niseho tanaty 32 tao.

Saoly jiky tamy hazavà