Hanenty ty anatiny ao

Ho amy loha hevitsy any

Vavolombelo Jehovah

Hifily safà Vezo

Fizarà 1: Famoròna Zisiky amy Safodrano

Fizarà 1: Famoròna Zisiky amy Safodrano

Baka aìa ro niavia’​ty lanitse noho ty tany? Fomba manao akore ro nampìsy ty masoandro, vola noho kinta, noho ty raha maro an-tany etoy? Manome ty valine marina ty Baiboly laha fa mivòla fa Andranahare ro namoro raha iaby reo. Ka bokintsika toy, le manomboke amy tantara mikasike ty famoròna baka amy Baiboly ao.

Hianarantsika atoa, ty raha noforòni-Ndranahare voalohane. Zavaboary ara-panahy manahake aze roze reo, ka anjele ro nikaìha an-droze. Fe namboary ho an’​olo manahake antsika ty tany. Ka le nanamboatse lahilahy noho ampela nokaìhy hoe Adama noho Eva ami’​zay Andranahare, ka napetrane tamy zariday soasoa raike zay tao roze. Fe tsy nanorike ty safà-Ndranahare roze le noroàhy bakao.

Nanomboke tamy famoròna an’​i Adama zisiky amy Safodrano be iny, le nisy 1 656 tao ami’​ty fitambarane. Maro ty olo raty niay tamy fotoa io. Tan-danitse tany, le nisy olo tsy hita maso, Satana noho ty anjeline raty. Tan-tany etoy, le nisy an’​i Kaina noho ty olo raty maro hafa, tafilitse ami’​zay ohatse ty lahilahy sasane nanan-kery hafahafa. Fe nisy olo soa kea tan-tany etoy: Abela, Enoka noho Noa. Amy Fizarà VOALOHANE ato ro hamakiantsika ty mikasike olo reo noho ty raha niseho iaby.

Biby tamy zariday Edena tao