Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Sadaasa 2015

 AANIIDI QOOLIHA COYI UMO | QULLAAWU MAXAAFI YAANNORE HUWATA DANDAATTO

Qullaawu Maxaafi Yaannore Huwata Maaho Kaaˈlitanno?

Qullaawu Maxaafi Yaannore Huwata Maaho Kaaˈlitanno?

“Qullaawu Maxaafi egennaminoho ammaˈnote maxaafaati. Ikkollana wole gobba maxaafa ikkino daafira Chayinu mannira kaaˈlannori dino.”—LIINI, CHAYINA.

“Umiˈyati Hindete ammaˈno maxaaffa yitannore nafa huwata dandoommokkihu Qullaawu Maxaafi yaannore hiitto ikke huwateemmo?”—AMITI, HINDE.

“Qullaawu Maxaafi biˈree wari maxaafa ikkino daafira konne maxaafa ayirriseemma; qoleno isi geeshsha hiramannohu wolu maxaafi nookkita macciishshoomma. Ikkirono Qullaawu Maxaafi hiittoohoro afe diegennoomma.”—YUMIKO, JAAPPAANE.

Alamete aana noohu batinyu manni Qullaawa Maxaafa kaffi asse laˈˈanno. Ikkollana kuni manni Qullaawu Maxaafi mayi daafira kulannoro hakkeeshshi geeshsha afinori nookkiha ikkara dandaanno. Hakko iso Iisiyaho heeˈrannohu lowo miliyoone ikkanno manni Qullaawu Maxaafi yaannore diafino; wole agurina Qullaawu Maxaafi halaˈle noo gobbuwara heeˈrannohu batinyu mannino tenne diafino.

Ati kayinni, ‘Qullaawu Maxaafi yaannore afummorono afano hoogummoro ma kaaˈlannoe?’ yite hedattoha ikkara dandaanno. Qullaawu Maxaafi yaannore huwatakki aante noo kaaˈlo uyitannohe:

  • Harshammonna hagiirre afiˈrate

  • Maatete giddo kalaqamanno qarra tirate

  • Yaaddo dandee heeˈrate

  • Mannu ledo noohe aante seekkiˈrate

  • Woxe garunni horoonsiˈrate

Hanni Jaappaanete heedhannote Yoshiko lawishsha laˈno. Qullaawu Maxaafi mayi daafira kulannoro afa hasidhino daafira ise umisenni nabbawate kaˈu. Tini maaho kaaˈlituseyya? Ise togo yitino: “Qullaawu Maxaafi alaamu noo heeshsho heeˈreemma gedenna konni kaˈira hexxo heedhannoe gede kaaˈlinoe.” Ledde togo yitino: “Xa bashsho gede waagu nooekkihu gede ikke dimacciishshamannoe.” Aleenni kullihu Amiti umisinni Qullaawu Maxaafi yaannore xiinxallino. Isi togo yiino: “Lowo geeshsha dhagge assiˈrummo. Qullaawu Maxaafi manna baalaho kaaˈlitanno amaale amadino.”

Qullaawu Maxaafi lowo miliyoone ikkanno manni heeshsho soorre biddi assino. Ikkina, atino Qullaawu Maxaafi yaannore xiinxallite kaaˈlannohe gara mayira dilaˈˈatto?