Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Birra 2015

 AANIIDI QOOLIHA COYI UMO | HUUCCATTO KAAˈLITANNORI NO?

Huuccatto Macciishshannohu No?

Huuccatto Macciishshannohu No?

Mitu manni macciishshannohu nookki daafira, huuccatto assiˈra mulla yanna huˈnate yee hedanno. Wolootu kayinni huuccidhannoha ikkirono, huuccattonsara dawaro afidhinokkiha lawannonsa. Maganu dino yee ammanannohu mittu manchi wodanisinni Maganu togooho yee hedi gedensaanni, “Hashaashshenokka shiima geeshsha coyishiishie” yee huucciˈrino. Hakkiinni, Maganu “tuulate cuqqo giwinoe” yiino.

Qullaawu Maxaafi kayinni, Maganu nootanna isi huuccatto macciishshannota buuxisannonke. Qullaawu Maxaafi lowo diri albaanni heeˈrino mannira togo yine coyiˈnoonnita kulanno: “Kaaˈlo hasidhine raartinanni wote [Maganu] gaacheena aannoˈne; raareˈne macciishshanni heeˈrenni dawaro qolannoˈne.” (Isayyaasi 30:19) Wolu qummeeshshino togo yaanno: “Suwaddu manni huuccatto iso hagiirsiissanno.”—Lawishsha 15:8.

Yesuusi Annisiwa huuccatto assiˈrita, “huuccattosi macciishshantino.”—Ibiraawuyaani 5:7

Qullaawu Maxaafi huuccattonsa macciishshantino manni nootano kulanno. Mittu qummeeshshi Yesuusi “gatisasira . . . dandaannohuwa eeggifatinotanna” “huuccattosino macciishshantinota” kulannonke. (Ibiraawuyaani 5:7) Wole lawishsha Daanieeli 9:21 nna 2 Zeena 7:1 aana laˈˈa dandaatto.

Ikkina, mitu mannira huuccattonsa macciishshantinokkiha lawannonsahu mayiraati? Huuccattonke macciishshantanno gede, wole magannawa woy albi annuwawa ikkikkinni Qullaawu Maxaafi giddo kulloonni Maganiwa Yihowawa * calla huucciˈra hasiissannonke. Qoleno Maganu “fajjosi ledo sumuu yaannore” yaano iso hagiirsiisanno coyi daafira huucciˈnammora hasiˈranno. Konni garinni huucciˈneemmoha ikkiro, Maganu “macciishshannonke.” (1 Yohaannisi 5:14) Konni daafira, huuccattonke macciishshantara hasiˈnummoro, Qullaawu Maxaafi giddo kulloonni Magano afanna isi fajjo maatiro rosa hasiissannonke.

Batinyu manni huuccatto assiˈra, mulla roso ikkitinohura calla harunsinannita ammaˈnote woga ikkitinokkita ammananno; kuni manni Maganu huuccatto macciishshannotanna dawarono qolannota dihuluullamanno. Keeniyaho heeˈrannohu Ayisaaki togo yiino: “Qullaawu Maxaafi yaannore huwateemmo gede kaaˈlaera huuccatto assiˈrummo. Shiima yanna gedensaanni, mittu manchi daye kaaˈlie.” Filippiinsi gobbara heedhannoti Hildaa sijaara aga agura hasidhino. Duucha higge sharrante agura hoogguta minaannise, “Kaaˈlannohe gede mayira Magano dihuucciˈratta?” yiise. Iseno uyinose amaale harunsitu gedensaanni togo yitino: “[Maganu] kaaˈlinoe gari lowo geeshsha dhagge ikkinoe. Sijaara agate hasattoˈya baˈanni hadhinoti leeltue. Ee, sijaara aga agura dandoomma.”

Maganu atino fajjosi ledo sumuu yaannore huucciˈrittoro xaˈmiˈroottore assannoheha dilawannohe?

^ GUFO 6 Qullaawu Maxaafi Maganu suˈmi Yihowa ikkinota kulanno.