Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Birra 2015

Karroonni Haqqicho Galagalte Ciirtara Dandiitanno?

Karroonni Haqqicho Galagalte Ciirtara Dandiitanno?

LIBAANOOSIRA heedhannote Libaanoosi hooncho yinannite hulqa haqqicho ledo heewisiinsiro, shokkitannotinna rogge batidhinoti ejersu haqqicho hoola yinannita lawa hooggara dandiitanno. Ikkollana, ejedhete haqqe injiitannokkita ayyarete gade dandiite heedhanno. Mite ejedhe 1,000 diro heeˈra dandiitanno yine hendanni. Ejersu haqqicho damattese moolturo nafa, rumuddase raga baala halaˈlitinota ikkitinohura galagalte ciirtara dandiitanno. Rumuddasella moola hoogguro, tini haqqicho galagalte ciirtanno.

Ammanamino manchi Iyyoobi reyiro nafa kaˈˈannota ammanino. (Iyo. 14:13-15) Isi Maganu iso reyotenni kayisate wolqa afiˈrinota ammanannota kulate haqqicho lawishsha asse horoonsiˈrino; isi yii haqqicho miteekkite ejersu haqqicho ikkitukki digattino. Isi togo yiino: “Haqqichote nafa hexxo noose. Karriro nafa, galagalte ciirtanno.” Lowo moolle gedensaanni xeena gananno wote, moolinohu ejersu tutumi lubbo qoˈlara dandaanno; rumuddate aaninni ciiru fulanno daafira, haqqicho “haaru kaashshi gede ikkite sinna fushshitanno.”—Iyo. 14:7-9.

Mittu gawartichi murantino haqqicho galagalte ciirtanno yanna quqquxame agadhannonte gede, Maganu Yihowano reyitino soqqamaanosinna wole batinye manna reyotenni kayisanno yanna quqquxame agadhanno. (Mat. 22:31, 32; Yoh. 5:28, 29; Looso 24:15) Shiiˈnoommo manni ledo galagalle xaadanna insa bashshonsa gede ikkite heedhanna laˈˈa lowo geeshsha hagiirsiissannota ikkitanno!