Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Birra 2015

 AANIIDI QOOLIHA COYI UMO | HUUCCATTO KAAˈLITANNORI NO?

Maganu Huuccatto Assiˈnammora Koyisinonkehu Mayiraati

Maganu Huuccatto Assiˈnammora Koyisinonkehu Mayiraati

Maganu jaallasi ikkinammora hasiˈranno.

Jaalla jaaloominsa lexxanni haˈranno gede, mimmitu ledo hasaabbanno. Hatteente gede, Maganuno isi ledo muli jaaloomi heeˈrannonke gede, hasaawinsammosira koyisinonke. Isi togo yiino: “Kiˈne woshshitinannie, anewa shiqqineno huuccidhinanni; anino macciishsheemmoˈne.” (Ermiyaasi 29:12) Magano hasaawisitto deerrinni, ‘isiwa shiqatto, isino atewa shiqanno.’ (Yaaqoobi 4:8) Qullaawu Maxaafi togo yaanno: “Yihowa woshshidhannosirira baalaho . . . muleeti.” (Faarso 145:18) Huuccatto assiˈnummo kiiro, Maganu ledo noonke jaaloomi lexxanni haˈranno.

“Yihowa woshshidhannosirira baalaho . . . muleeti.” —Faarso 145:18

Maganu kaaˈlahera hasiˈranno.

Yesuusi togo yiino: “Kiˈne giddo, qaaqqisi daabbo huucciˈreenna kincho aannohu nooni? Woy qulxuˈmicho huucciˈreenna hamashsho aannosini? Hakko daafira, kiˈne . . . oosoˈnera dancha aamamooshshe uyinanni gara affiniro, iima heeˈranno Anniˈne huuccidhannosirira dancha coye hiitto roorse diaanno!” (Maatewoosi 7:9-11) Ee, Maganu huucciˈrattora koyisinohehu ‘ate daafira hedannonna’ kaaˈlahera hasiˈranno daafiraati. (1 Pheexiroosi 5:7) Wole agurina isi qarrisannohe coye isi aana tuqqatto gede koyisinohe. Qullaawu Maxaafi togo yaannonke: “Aye coyirano yaaddinoonte; hatteentenni baalunku coyira huuccattotenninna eeggifatatenni galatu ledo dhiwinoˈne coye Maganoho kulle.”—Filiphisiyusi 4:6.

Mannu oosora ayyaanaamittete hasatto noonsa.

Mannu akati daafira xiinxallitanno fullahaano, lowo miliyoone ikkanno manni huuccatto assiˈra hasiissannote yee hedannota huwattino. Maganu dino yaannohu woy noota huluullamanno manni giddo nafa mitootu tenne ammantanno. * Tini, mannu ooso ayyaanaamu coyira hasatto heedhannonsa gede ikkite kalaqantinota leellishshannote. Yesuusi togo yiino: “Ayyaanaamittete coye goodhinori hagiirraammaho.” (Maatewoosi 5:3) Tenne hasattonke wonshiˈra dandiineemmo doogga giddo mitte Maganu ledo ganyine hasaawate.

Maganu koyisinonke koyishsha adhine huuccatto assiˈnummoro, mayi horo afiˈneemmo?

^ GUFO 8 Piyu Xiinxallote Uurrinsha yinanni dirijjite 2012nni fushshitino mashalaqqe, Ameerikaho heeˈrannohu Maganiweelu woy Maganu heeˈra huluullamanno manni giddo xibbunni 11 anga ikkitannori ajayi ajeenna aganu giddo mitte higge huuccatto assidhannota xawissino.