Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Maaja 2015

Qullaawu Maxaafi Xaˈmonna Dawaro

Qullaawu Maxaafi Xaˈmonna Dawaro

Bunshete kaimu maati?

Yesuusa Bunshe Assanno Gede Xixxiiwinohu Ayeti? —Maatewoosi 4:8-10

Roore wote mannu salaame baxanno, hattono ammanaminohanna shaqqado ikke heeˈra hasiˈranno. Ikkina finqille, taashshote xeˈnenna kaajjillu batiˈrinohu mayiraatiyya? Waajjishshanno odoo macciishsha rosantinota ikkitino. Isi manna bushare assanno gede xixxiiwanni noohu nookka?—1 Yohaannisi 5:19 nabbawi.

Maganu manna kalaqinohu giddonsa bunshete hedo heedhanno gede asseetini? Deeˈni, Maganu Yihowa manna baxillesi leellishanno gede asse danisinni kalaqino. (Kalaqo 1:27; Iyyoobi 34:10) Ikkirono, Maganu mannu oosora doodhate qoosso oye ayirrisinonsa. Umi anninkenna amanke bushare assate doodhitu wote, Maganu faale harunsa agurtino daafira guuntete xeˈne noonsare ikkitu. Ninke insawiinni cubbu dooˈˈo ragiˈnoommo.—Marro 32:4, 5 nabbawi.

Bunshe hegerera heedhannoni?

Maganu busha dooˈˈonke gargadhinammora hasiˈranno. (Lawishsha 27:11) Konni daafira isi bunshetewiinni xeertiˈneemmo garanna addu hagiirre afiˈneemmo gara rosiisannonke. Ikkirono, xaa yannara Maganu baxille woˈmunni woˈma harunsine dianfeemmo.—Faarso 32:8 nabbawi.

Yannankera bunshe batidhinoha ikkirono, Maganu bunshe abbitanno gawajjo baalunku afara yee mite yanna geeshsha heedhara sammi yiino. (2 Pheexiroosi 3:7-9) Muli yannara kayinni, uullate aana Maganoho hajajamannohu hagiirraamu manni woˈmanno.—Faarso 37:9-11 nabbawi.