Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae—Xiinxallote Ittime  |  Arfaasa 2018

Ati Tenne Afootto?

Ati Tenne Afootto?

Muse Higge giddo noohu xintu seeri hunda Israeelete mereero kaˈanno gibbo tiˈrate kaaˈlinoni?

EE, KAAˈLINO woti no. Hanni mitto lawishsha laˈno. Marro 24:14, 15 togo yitanno: “Fiixiˈne Israeelenniha ikko katamiˈnera heeˈrannohu manni gobba manni buxenna gadadame soqqamannoˈneha hunkeensa ittinoonte. . . . Hunkeensa hakko barranni arrishsho eˈukki uuyyensa. Hatto ikka hoogiro kayinni, Kaaliiqiwa higge raarte cubbo abbitannoˈne.”

Gatu loosaasinchi shiqishiˈrino eeggo borreessinoonniha dorunni loonsoonni uduunnicho

Lamalki sani K.A. mittu manchi togoori tuncu yeennasi shiqishiˈrino eeggo borreessinoonni sanade anfoonni. Tenne sanade anfoonnihu Ashidoodi yinanni qooxeessiraati. Borro borreessinoonnihu dorunni loonsoonni uduunnichi aanaati; hakko borreessinoonni hedo aa hasiissannosi geeshshi gide uyikki gatinohu gatu loosaasinchi ledo xaado afidhinota ikkitukki digattino; sanade togo yitanno: “Shiimu barri albaanni soqqamaanchikki [eegamino manchi] gide gamba asse kai gedensaanni, Shobayi beetti Hoshabayu daye soqqamaanchikki uddanno adhino. . . . Ittanno arrishsho giddo ane ledo gide middanni hossinori baalu . . . coyiˈroommori adda ikkinota farciˈra dandiitanno. Ani mittoreno dihunoommo. . . . Ati [gashshaanchu] anera uddano qolsiisate giddeetu dinoe yite hedattoha ikkiro nafa, mararte tenne assie ballo! Soqqamaanchikkira uddanosi adhine heeˈneenna sammi yitooti.”

Sayimeni Shaama yinannihu xaggete borreessaanchi togo yiino: “Kuni loosaasinchi shiqishiˈrino eeggo uddanosi qollanni gede lowo geeshsha hasiˈrinota leellishshanno. [Tini sanade] eeggo shiqishiˈri manchi Qullaawu Maxaafi giddo noo higge roorenkanni Leewaawootunna Marrote maxaafira noota buxane miincannikki gede kultanno higge afinota leellishshanno.”