Qara amadowa massie

Furchonniwa massie

Nabbawaano Xaˈmitanno Xaˈmo

Nabbawaano Xaˈmitanno Xaˈmo

Faarso 144:12-15 aana noo hedo kultannohu Maganu manni daafiraatinso, kiiro 11te kulloonnihu bushu mannireeti?

Kowiicho kulloonnita Ibiraawootu Afii yaatto lamunku garinni huwata dandiinanni. Konni woroonni noo xawishshi kayinni tenne hedo garunni huwatate kaaˈlannonke.

  1. Tenne faarsora qooxeessaho no hedo. Kiiro 12 kayise 14 kulloonni atoote afidhannori kiiro 11 kulloonni ‘allaggi anganni gatisannonsa gede’ huuccidhu keeraanooti. Kiiro 15 noo hedono tenne leellishshanno; konni qummeeshshira “baˈraaˈrinoho” yinihu ‘Yihowa Maganonsa ikkino mannaati.’

  2. Hatto yee heda, Maganu ammanantinosire maassiˈrannota kultannote wole qummeeshshuwa ledo sumuu yitanno. Tini faarso, Faarsaasinchu Maganu Israeele baarigaarransa anganni gatise fushshi gedensaanni hagiirrenna atoote afidhanno gede asse maassirannonsata addaxxannota leellishshanno. (Lew. 26:9, 10; Mar. 7:13; Far. 128:1-6) Lawishshaho, Marro 28:4 togo yitanno: “Godowiˈne gumi, baattoˈne laalchi, jajjabbunna hooffille saadaˈneno maassantanno.” Daawiti beetti Selemooni gashshooti yannara Israeelete daga hakkuyira albaanni afidhe egentinokki salaamenna atoote afidhino. Qoleno Selemooni gashshooti giddo ikkinori giddo mitu Mesihichu gashshooti yannara ikkannore leellishanno.—1 Mot. 4:20, 21; Far. 72:1-20.

Jeefote, Faarso 144 Maganu dagare kultannota huwatanke, woˈma faarso xawissannohu Yihowa daga lowo diro quqquxante agadhite keeshshitino hexxo roore xabbe leeltannonke gede kaaˈlitannonke; tini hexxo Maganu bushuulle huni gedensaanni, keeraano salaamenna atoote afidhannota kultannote.—Far. 37:10, 11.