Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae—Xiinxallote Ittime  |  Maaja 2016

 AANIIDI QOOLIHA COYI UMO | QULLAAWU MAXAAFI—GATE SAINO GARAO

Qullaawu Maxaafi Tattae Baikkinni Gatino

Qullaawu Maxaafi Tattae Baikkinni Gatino

GUFICHO IKKINORE: Hunda Qullaawa Maxaafa borreessiturinna galchituri paapiresinna biraanna yinannirichi aana borreessitino. * (2 Ximootewoosi 4:13) Tini Qullaawu Maxaafi baˈˈanno gede assite hoogginohu hiittoonniiti?

Paapiresi luuke mulenni tattaˈannote, luqqaˈannotenna lowo yanna dikeeshshitannote. Gibitsete daafira xiinxallitannori Richaardi Paarkinseninna Isteefeni Keerki togo yitino: “Tini luuke tattaˈuro haanxehonna mitto hoowo ikkitanno bukora soorrantanno. Paapiresi luuke xaaxo, bulaassara, qufichu noowa worriro huqqara, hattono yemahunna shiimmaadda lubbuwa waammiro roorenkanni hoolo ittara dandiitanno.” Mite paapiresi luuke anfihu gedensaanni, arrishsho gantino, hattono shamu kisino; tini qolte mulenni tattaˈanno gede assitino.

Biraannu paapiresi roore keeshshannoha ikkirono, garunni amada hoongiro, hattono iibbillunna shamu kisannowa woy arrishshote worre agurriro mulenni tattae baˈˈara dandaanno. * Biraanna shiimmaadda lubbuwano ittanno. Mittu maxaafi tenne daafira xawisanni , hundi borro giddo baˈukkinni “saˈutilla saˈino” yiino. Qullaawu Maxaafi tattae baoommero, giddosi noo sokkano ledosi baˈe hooggino.

QULLAAWU MAXAAFI BAIKKINNI GATINO GARA: Yihudu higge, mittu mittunku nugusira Maganu Seera amaddinota umita onte Qullaawa Borro maxaaffa, ‘wolu maxaafira galchine uyinanninsa’ gede hajajjanno. (Marro 17:18) Qoleno borro galchannohu worbu manni, umi xibbi diro lowoti angatenni borreessinoonni borro heedhanno gede assino; tini, Qullaawa Borro Isiraeelete mukuraabe baalatenna fafowa noohu Meqedooniyaho nafa heedhanno gede assitino. (Luqaasi 4:16, 17; Soqqamaasinete Looso 17:11) Lowo diro keeshshitinoti mite hundi borro baˈukkinni gatte techo geeshsha iillitinohu hiittoonniiti?

Reyote Baari Xaaxo yinannita hundi borro, doru uduunnira worre moola gobbara godu giddo maanxeenna lowo diro baˈukkinni keeshshitino

Niwu Testamenti yinanni borro fullahaanchi Filippi W. Komforti, “Yihudu manni Qullaawa Borro xaaxo baˈannota hoolate doru uduunni giddo worate egennaminoho” yiino. Taje leellishshanno garinni yannate gedensaanni Kiristaanuno tenne assa diagurino. Konninni kainohunni hundita angatenni borreessinoonnita mite Qullaawa Borro doru uduunni giddo, uduunne uddiˈnanni kifillara, hattono godahonna moola gobbara noota anfoonni.

TINI MAAHO KAAˈLITINO? Lowo kume ikkitannoti mitu 2,000 diri albaanni angatenni borreessinoonniti Qullaawa Borro baˈukkinni gatte yannanke geeshsha iillitino. Lowo diro keeshshitinota batinye angatenni borreessinoonni borro afidhinoti wole hundi borro dino.

^ GUFO 3 Paapiresi borreessate horoonsiˈnannite haqale labbannote wayi lasora fultanno muronni loonsanni luukeeti. Biraannu kayinni saadate goginni loonsannirichooti.

^ GUFO 5 Lawishshaho, Ameeriku wolaphote daafira fushshino awaajjire kulanno sumuda sumundoonnihu biraannu aanaati. Xa hakku biraanni 250 woˈminokki diri giddo tattae horo nabbawa dandiinannikki geeshsha iillino.