Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae—Xiinxallote Ittime  |  Ella 2017

Ati Tenne Afootto?

Ati Tenne Afootto?

Yerusaalamete Maganu mine saada massite hirtu daddalaasine manna ‘mulqidhino’ yaa garaho?

MAATEWOOSI Wongeelira togo yine borreessinoonni: “Yesuusi Qullaawu Minira eˈˈe, hakkiicho hirtanninna hidhitanni noore fushshe shorri. Woxe [soorritannori] xarapheeyyenna lemboola hirtannori barcimma galchi. [Hakkiinnino], ‘“Mineˈya huuccattote mineeti yinanni” yine borreessinoonni. Kiˈne kayinni mulqidhannori maaxantanno goda assitinoonni’ yiinsa.”—Mat. 21:12, 13.

Yihudu manni borreessinoti xaggete borro, daddalaano hidhinanni coye waaga iibbishshe mannuwiinni woxe haqaqqaalte adhitannota leellishshanno. Lawishshaho Mishinahi (Keritooti 1:7) yinanni maxaafi, umi xibbi diro kakkalote shiqishiˈnannihu lamu lemboolchi waagi lexxe mitte worqete diinaare ikkinota kulanno. Hatte yannara kuni waagi gari ogimma afiˈrinokki manchi 25 barra loose afiˈranno damoozi ledo taaloho. Anga ajino manni lemboola woy bukukkaama kakkalote shiqishiˈranno gede fajjinoonniha ikkirono, hattee cea waagi nafa baasa iibbino. (Lew. 1:14; 5:7; 12:6-8) Yihudu ammaˈno rosiisaanchi Sayimeni Beni Gamaaliyali tennera lowo geeshsha hanqe shiqqanno kakkalo jilba ajishinohura, lamu lembooli waagi albi waagiwiinni xibbe anga dirrino.

Aleenni kulli garinni, Maganu mine daddiˈlitu mannooti manni woxe haqaqqaalte adhitinohuranna hafuuraamma ikkitinohura Yesuusi insa manna ‘mulqidhinohu’ gede asse coyiˈrasi garaho.