Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae—Xiinxallote Ittime  |  Dotteessa 2016

Nabbawaano Xaˈmitanno Xaˈmo

Nabbawaano Xaˈmitanno Xaˈmo

Mittu mittunku buuramino Kiristaanchi Maganuwiinni adhanno ‘tajenna’ “sumudi” maati?—2 Qor. 1:21, 22.

Alba mitte sanade gara ikkitinota buuxisate sumuda afidhino cuue sabbu woy gagate aana xiimbe malaatinsanni.

Taje: Mittu maxaafi 2 Qorontoosi 1:22 aana noohu “taje” yine tirroonnihu Girikete qaali higgetenna daddalu ledo xaado afidhino hajora horoonsiˈnanniha ikkinota xawisino; konni qaali tiro “mitore hidhiniro balanxe baantannire, amadisiinsanni woxe woy qawude, hattono hidhinoonnirichi meessiha ikkinota woy eˈnoonni sheemaate higge affinoha assa” ikkitinota xawisino. Yihowa buuramino Kiristaani baraarsha afiˈrannota kulinonsa; 2 Qorontoosi 5:1-5 aana kulloonninte gede insa baatooshshensa woy baraarsha woˈmunni woˈma adhitanno yannara iimira hadhe sholannokki biso uddidhanno. Konni baraarshi giddo mittu reya hoogate eltooti.—1 Qor. 15:48-54.

Yannankehu Girikete Afiinni kuni qaali adhinara coye gundoonnitera cuue worate horoonsiˈnanni xawishshi ledo xaado afiˈrinoho. Kuni xawishshi lawishshu yaattonni albillitte Kiristoosi minaama ikkitannorira malinoho.—2 Qor. 11:2; Aju. 21:2, 9.

Sumuda: Albi waro mitturichi meessiha ikkinota buuxisate, nooha ikkinota kulatenna mitturichi ledo sumuu yinoonnita xawisate sumuda malaate assiˈne horoonsiˈnanni. Buurantinori Maganunnire ikkitinota xawisate qullaawu ayyaaninni lawishshu yaattonni sumuda ‘sumundoonninsa’ woy gannoonninsa. (Efe. 1:13, 14) Ikkollana mittu buuramino Kiristaanchira gannoonni sumuda geedonniha assinannihu ammaname heeˈre reyara albaanni woy bayiru qarri hanafara shiima yanna gatte heedheennaati.—Efe. 4:30; Aju. 7:2-4.