Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Agarooshshu Shae  |  Kiiro 3 2017

Yihowa yinanniha qullaawa Maganu suˈma borreessinoonnita Ibiraawootu Afii fidalla; nabbambannihu qiniitinni gurara qolleeti

Ibiraawootu Afiite Shiimiidi Fidalenni Afiˈneemmota Kaajja Taje

Ibiraawootu Afiite Shiimiidi Fidalenni Afiˈneemmota Kaajja Taje

Maganu eino qaali baalu woˈmannota addaxxa dandiineemmo? Yesuusi tenne addaxxino; isi rosiisino rosino macciishshaanosi ammana kaajjishannoho. Isi ilaalaho sabbaki yannara, Maatewoosi 5:18 aana noo lawishsha coyiˈrino; togo yiino: “Halaale kuleemmoˈne; gordunna baatto saˈˈa geeshsha seeru baalu woˈmanno ikkinnina, Seeru giddonni shiima fidale woy bicamme dibaˈanno.”

Ibiraawootu Afiiti shiimiidi fidale yoodi (י) yinannite; tini fidale Maganu Yihowa suˈma amaddinote Tetiragiramateni yinanni fidalla giddo umite. * Borreessaanonna Farisootu Maganu Seera kultannota mitte mittenta qaallanna fidallano aguranna, “bicamme” nafa lowori gede assite laˈanno.

Yesuusi, Seeru giddo kulloonniri shiimuri nafa woˈmikki gatante, iiminna uulla sairo woyyannota coyiˈrino. Ikkollana Qullaawu Maxaafi, iiminna uulla hegerera heeˈrannota kulannonke. (Faarso 78:69) Konni daafira, aleenni noo yaatto, Seeru giddo kulloonniri shiimuri nafa woˈmikki gatannokkita leellishanno.

Maganu Yihowa shiimmaadda coye nafa illachishanno? Ee illachishanno. Hanni tenne hedi: Hundi Israeele Faasikaho gorritanno geˈrechi miqqa giddo mittono hiiqqitannokki gede kulloonninsa. (Fulo 12:46) Tini shiima hajajo labbara dandiitanno. Israeele miqqa hiiqqaqqa hasiissannonsakkihu mayiraatiro huwattino? Huwattinokkiha ikkara dandaanno. Yihowa kayinni tini Mesihicha haqqaho sunte shinanni wote miqichisi giddonni mittuno hiiqqamannokkita leellishshanno masaalo ikkitinota afino.—Faarso 34:20; Yohaannisi 19:31-33, 36.

Yesuusi coyiˈrinorinni maa ronseemmo? Ninkeno Yinowa wonsheemmo yee coyiˈrinori shiimuri nafa gatikkinni baalunkuri woˈmannota addaxxa dandiineemmo. Ee Ibiraawootu Afiite shiimiidi fidalenni kaajja taje afiˈnoommo!

^ GUFO 3 Giriikete Afii fidalla giddo shiimiiditi Iyoota yinannite; tini yoodi (י) yinannite Ibiraawootu Afii fidale ledo mittu garite. Muse Seeri umo borreessaminohunna ilamatenni ilama sainohu Ibiraawootu Afiinniiti; konni daafira Yesuusi bicammete daafira coyiˈrinohu, Ibiraawootu Afiita yoodi (י) yinanni fidale hede ikkara dandaanno.