Qara amadowa massie

Furchonniwa massie

Heeshsho Waagu Nookkita Labbannohe Woyite

Heeshsho Waagu Nookkita Labbannohe Woyite

BAALUNKURI injiino yannara heeshsho baasa baxissanno. Ikkollana mito woyite iillannonke qarri, heeshsho waagu nookkita labbannonke gede assara dandaanno.

Lawishshaho, Ameerikaho heedhannote Salii * yinanni manchora hombobalatte rooriidi jajjase huntino; konnira ise togo yitino: “Iillinoe qarra dandee saeemmaha dilawinoe. Qarru wolqaˈyara aleenni ikkinoe.”

Heeshshonke giddo iillannonkehu wolu qarri shiirote. Awustiraaliyaho heedhannoti Janisi togo yitino: “Lame ooso shiirumma yannara, heeshshoˈya hiiqqaqqame bacce ikkino uduunni gede ikkitu; konne “bacce” gamba assiˈre albi heeshshoˈyawa higate sharramoomma. Magano togo yee huucciˈrumma: ‘Kageeshshi qarra cince diafeemmana, ballo shite hoolie! Galagale kaˈˈano dihasiˈreemma.’”

Taaniyelino minaamasi isira ammanantinokkita afiti, lowo geeshsha dadillino. Isi togo yiino: “Minaamaˈya foortinota kultue woyite, wodanaˈya bisetenni qansoonniehu gede ikke xissinoe. Tini mada lowo agana xissitannae heeˈroommo.”

Tini Agarooshshu Shae ittime, konni woroonni noo qarri iillinkerono, heeshshonke waaga afidhino yineemmohu mayiraatiro kultanno:

Hanni balanxe, dano kalaqantanno yannara cinca dandiineemmo gara laˈno.

^ GUFO 3 Tenne aante aantete noo birxichuwa giddo mite suˈmuwa soorrinoonni.