Qara amadowa massie

Furchonniwa massie

 ROSO 14

Suwisaanote Hiittoo Qajeelsha Qixxeessinoonni?

Suwisaanote Hiittoo Qajeelsha Qixxeessinoonni?

Yunayitidi Isteetise

Niwu Yoorkete Patersenira nooha Giiliyaadi Rosi Mine

Panama

Tiokiraasete qajeelshi Yihowa Farciˈraasine mereero biˈrenni rosamino coyeeti. Maganu Mangistehu sabbakate loosira woˈma yannansa uyite loossanno roduuwi, ‘soqqanshonsa danchu garinni soqqama’ dandiitanno gede baxxino qajeelsha uyinanninsa.—2 Ximootewosi 4:5.

Suwisaanote Rosi Mine. Mittu suwisaanchi woˈma yanna soqqansho giddo mitto diro ikkannosi woyite, qooxeessisira noote Gambooshshu Addaraashera uyinanniha lewu barri qajeelsha adhanno. Konne rosu mine qixxeessinoonnihu, suwisaano Yihowawa albinni roore shiqqanno gede, baalunku soqqanshote daninni dancha guma laaltanno gedenna soqqanshonsa agurtukki kaajjite heedhanno gede kaaˈlateeti.

Maganu Mangiste Sawaakooti Rosi Mine. Lame agana keeshshannohu kuni rosu mini, heedhanno qooxeessinni fulte kaaˈlo hasiissannowa hadhe soqqama hasidhannore woˈnaalsha afidhino suwisaano qajeelsate qixxaawinoho. Insa uullate aana baalunkura aliidi Sawaakicha ikkinohu Yesuusi Kiristoosi faale harunsite, “Kuneeti ani noommo! Ane soqqi” yitinohu gedeeti. (Isayyaasi 6:8; Yohaannisi 7:29) Qaetenni xeertiˈne haˈne heeˈrate, qawaaxxote heeshsho agura hasiissannoha ikkara dandaanno. Haaro bude, ayyarete garanna sagale rosa hasiissannoha ikkanno. Qoleno haaro qaale rosa hasiissannoha ikkara dandaanno. Kuni rosu mini, dirinsa 23nni kayise 65 geeshsha ikkinore seenne adhitinokki roduuwanna mine assidhinokkire hattono adhamino roduuwa, uyinoonninsa loosira hasiissannonsata ayyaanaamittete akattanna Yihowaranna dirijjitesira roore kaaˈlitannore ikkitanno gede assitannonsa dandoo lossiˈrate kaaˈlannonsa.

Giiliyaadi Qullaawu Maxaafi Rosi Mine. Ibiraawootu afiinni, “Giiliyaadi” yaa “Farciˈraasinete Duuno” yaate. Giiliyaadi Rosi Mini 1943nni hananfinkunni, konni rosu mine qajeeltinore 8,000 saˈanno roduuwa “uullate qacce geeshsha” farcidhanno gede, misiyoone assine sonkoonni; kuri roduuwi lowo guma laaltino. (Hawaariyaatete Looso 13:47) Lawishshaho misiyoone Peeru yinanni gobba umo martu waro, hatte gobbara mitte songo nafa dino. Xa kayinni hakko 1,000 saˈanno songo no. Qolteno, misiyoonenke Jaappaanete soqqama hanaffu yannara, hatte gobbara noori Yihowa Farciˈraasine tonne nafa diˈˈikkitanno; xa kayinni 200,000 saˈanno. Onte agana keeshshitannota Giiliyaadi Rosi Mini korse adhitannori, Maganu Qaale firfirsite xiinxallitanno. Alamete doyicho loosonke alba qole xiiwatenna gafa ganate, baxxitino suwisaano woy misiyoone ikkite soqqantanni noore, hattono sinu biirora, woy woradu aliidi laˈˈaano ikkite soqqantanni noo roduuwa konne kaajja qajeelsha adhitara koyinsanni.

  • Suwisaanote Rosi Mine qixxeessinoonnihu mayiraati?

  • Maganu Mangiste Sawaakooti Rosi Mine qixxeessinoonnihu hiittoo roduuwiraati?